У Магілёве з'явілася кіназала з месцамі для закаханых
Пасля капрамонту ў адным з кінатэатраў з прыгожай назвай «Космас» адкрылася другая зала, дзе прастора раздзелена на тры зоны — звычайную, павышанай камфортнасці і для закаханых.
Усяго ўсталявана 160 новых крэслаў карэйскай вытворчасці. Для закаханых адведзены апошні (хто б сумняваўся) рад і месцы па баках, дзе яны могуць непрыкметна для астатніх абдымацца на спецыяльна закупленых двухмесных канапах. Не засталіся абдзеленымі і тыя, хто не ўяўляе сабе кінапрагляд без папкорну і колы. Для іх нават крэслы падабралі з адтулінамі для аднаразовага посуду.
Сама зала аформлена ў чорным колеры, што адпавядае сучасным запатрабаванням кінапракату. Набыты спецыяльны экран і лічбавае абсталяванне, якое падтрымлівае функцыю 3D-паказу. Як адзначыла дырэктар «Космасу» Людміла Войтава, пры рэканструкцыі кінатэатра былі ўлічаны ўсе сучасныя патрабаванні кінапракату і прыярытэты гледачоў. Дарэчы, кінатэатр (адзіны ў горадзе, які мае 2 залы) у месяц наведвае да некалькі тысяч чалавек, асноўная частка якіх моладзь і дзеці. Для аматараў вострых адчуванняў кінатэатр набыў яшчэ і 5D-атракцыён на 3 месцы.
Адкрыццё новай залы было прымеркавана да Дня беларускага кіно і 50 годдзя кінатэатра. На праглядзе фантастычнай кінастужкі «Хобіт: «Пустка Смаўга» не было ніводнага свабоднага месца.
Нэлі ЗІГУЛЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.