Па даных на 13 лютага, збор на фінансаванне дзяржаўных расходаў выплацілі 15 тысяч мінчан. Усяго паведамленні атрымалі каля 106 тысяч жыхароў сталіцы. Агульная сума атрыманых ад мінчан сродкаў пакуль склала 4,2 мільёны рублёў.
Як растлумачыла на прэс-канферэнцыі ў Мінгарвыканкаме намеснік начальніка інспекцыі Міністэрства па падатках і зборах па Мінску Галіна ГУРЫНОВІЧ, кожны выпадак разглядаецца асобна, нават калі сітуацыі здаюцца падобнымі адна на адну, па сутнасці яны могуць быць абсалютна рознымі.
Усяго правам датэрміновай выплаты збору скарысталіся каля 1,3 тысячы мінчан. З 1 жніўня бягучага падатковага перыяду па 31 мая наступнага года грамадзяне могуць самастойна паведаміць у падатковую інспекцыю пра няўдзел у фінансаванні дзяржаўных расходаў. Калі да 1 ліпеня збор выплачаны, то ён памяншаецца на 10%.
З пытаннем аб вызваленні ад выплаты збору ў сувязі з цяжкім жыццёвым становішчам у службу «Адно акно» гарадскога выканаўчага камітэта і раённых адміністрацый звярнулася каля тысячы чалавек. У выніку Мінгарвыканкам накіраваў у падатковыя інспекцыі сталіцы 99 рашэнняў, а льготу атрымалі 17 чалавек.
Дар'я КАСКО
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».