Больш за 80 арганізацый з Беларусі, Расіі, Кітая і Казахстана, 11 прадпрыемстваў Міністэрства архітэктуры і будаўніцтва, тры дні новых тэхналогій і прарыўных рашэнняў у сферы будаўніцтва, жывых зносін з экспертамі архітэктуры і дызайну. Да 19 верасня ў беларускай сталіцы працуе 27-я Міжнародная архітэктурна-будаўнічая выстава BUDEXPO-2025, найбуйнейшы ў нашай краіне выставачны праект у сферы будаўніцтва.

Спецыялісты падлічылі, што плошча лясоў у нашай краіне за апошнія 30 гадоў вырасла прыкладна на мільён гектараў. Як адзначыў намеснік начальніка ўпраўлення лясной гаспадаркі Міністэрства лясной гаспадаркі Віктар ЗВЯРТОЎСКІ, лясы цяпер займаюць амаль палову тэрыторыі нашай краіны і складаюць 9,8 мільёна гектараў. За гады незалежнасці лясістасць Беларусі вырасла з 35 % да 40,2 %. Малавядомы, але вельмі цікавы факт — на аднаго жыхара нашай краіны прыпадае гектар пакрытых лесам зямель, пры гэтым на аднаго жыхара планеты — паўгектара.

Дзяржаўная праграма рэалізоўваецца па даручэнні Прэзідэнта і накіравана на сацыяльна-эканамічнае развіццё рэгіёнаў і імпартазамяшчэнне. 

Аднабаковае і дастаткова рэзкае закрыццё наглуха граніцы з Польшчай насамрэч датычыцца не толькі Варшавы, Мінска і дзяржаў, якія карысталіся гэтым трансеўразійскім маршрутам у тавараабароце. Кейс на беларуска-польскай граніцы можа мець больш значныя наступствы для глабальнай прасторы, бо ён стварае прэцэдэнт, калі адзін з бакоў па сваім жаданні блакіруе міжнародны транспартны калідор. І спрабуе гэты штучны бар’ер выкарыстоўваць у сваіх геапалітычных інтарэсах. Небяспечны прэцэдэнт для міжнароднага гандлю. У Варшавы могуць з’явіцца паслядоўнікі ў іншых частках свету. І да санкцыйнай дыпламатыі можа яшчэ дадацца транспартна-лагістычны ціск. Няўжо пачалася эпоха бар’ераў і перашкод?

Як паведамляе прэс-служба Нацыянальнага банка, апошнім часам фіксуецца дзейнасць незаконных сэрвісаў, якія прапануюць фізічным асобам заключаць дагаворы пазыкі і праводзіць па іх анлайн-разлікі.

Кліпавае мысленне лічыцца праблемай цэлага пакалення, а то і двух. Многія звязваюць яго з сеткавай залежнасцю і бачаць у ім толькі негатыў. Але ў гэтай праблемы ёсць і іншы бок. Такое мысленне, напрыклад, дапамагае людзям хутка схопліваць інфармацыю і быць мабільнымі. Аднак ці падыходзіць такі спосаб успрымання свету, нават калі сучаснае грамадства жыве ў хуткім тэмпе? Пра гэта размаўляем з урачом-інтэрнам аддзялення гігіены працы Мінскага абласнога цэнтра гігіены, эпідэміялогіі і грамадскага здароўя Нэлі ЦВІРКО.

Кажуць, у жанчын чатыры ўзросты: мама ведае ўсё, мама ведае не ўсё, мама нічога не ведае, трэ было слухаць маму.