Сеткавае выданне zviazda.by

Сямейны пікнік, паветраны подыум і новы арт-аб’ект. У Брэсце апублікавалі праграму святкавання Дня горада і 81-й гадавіны вызвалення ад нямецка-фашысцкіх захопнікаў. Мерапрыемствы пройдуць 25-28 ліпеня, паведамілі карэспандэнту БелТА у Брэсцкім гарвыканкаме.

Гулянні разгорнуцца ў розных частках горада. Асноўнымі лакацыямі будуць плошча і вуліца Леніна, парк культуры і адпачынку, набярэжная Францыска Скарыны, вуліца Савецкая, пляцоўка ля Палаца водных відаў спорту. Для брэстаўчан і гасцей горада над Бугам падрыхтавалі больш за 20 разнапланавых мерапрыемстваў. «Непасрэдна 28 ліпеня Брэст адзначае дзень вызвалення ад нямецка-фашысцкіх захопнікаў. Мы вырашылі ўключыць і папярэднія выхадныя для святкавання Дня горада. Праграма мерапрыемстваў будзе вельмі насычаная», — заінтрыгаваў намеснік старшыні Брэсцкага гарвыканкама Віталь Шчэрба.

Пачнецца свята 25 ліпеня. Так, у парку культуры і адпачынку чакаюць гасцей на сямейны пікнік «Прамяні дабра». «Там будуць спартыўныя, забаўляльныя, дзіцячыя лакацыі, фуд-корты. Уся сям’я знойдзе сабе забавы. Завершыцца пікнік выступленнем групы „Банд’Эрас“ і феерверкам», — расказаў Віталь Шчэрба. Таксама 25 ліпеня на картынгавым стадыёне «Альянс» пачынаецца двухдзённы байк-фестываль Brest motor Music Weekend.

Яшчэ адной прыцягальнай падзеяй стане парад-аркестраў. У Брэсце такое шоу пройдзе трэці раз. Яго ўдзельнікамі стануць дзевяць калектываў з Беларусі і Расіі. На працягу некалькіх дзён яны парадуюць жыхароў і гасцей сваімі вулічнымі выступленнямі — дэфіле, шэсцямі, канцэртамі. Напал эмоцый гледачам падораць рэспубліканскія спаборніцтвы дзевяці наймацнейшых каманд пажарных-выратавальнікаў «Брэсцкая мяжа». Паназіраць за спаборніцтвамі 25 і 26 ліпеня можна на набярэжнай Францыска Скарыны.

Асноўным днём свят стане 26 ліпеня. На вуліцы Савецкай з’явіцца «Тэрыторыя перазагрузкі» — гэта дзённая музычная вечарынка з кавай Coffe Rave. Сюрпрызам стане адкрыццё на скрыжаванні вуліц Дзяржынскага і Савецкай скульптурнай кампазіцыі «Гузік». Пакратаць гэты элемент адзення брэсцкага ліхтаршчыка просяць турысты, верачы ў прыцягненне ўдачы.

На пляцоўцы каля Палаца водных відаў спорту ў 11.00 разгорнецца модны маркет з выставай-продажам швейных вырабаў. Будуць працаваць шматлікія інтэрактыўныя пляцоўкі, кірмаш рамеснікаў, фуд-корты, мастацкая выстава, лакацыі для дзяцей. Там сустрэнуць удзельнікаў мотапарада, абяцаюць выступленні мота-каскадзёраў. На сцэну ўзнімуцца музычныя калектывы і выканаўцы розных жанраў. Прыцягне ўвагу публікі фестываль моды і стылю «LookБуг», які пройдзе ўжо чацвёрты раз. У гэтым годзе ён атрымаў назву «Паветраны подыум». Адбудзецца паказ калекцый адзення беларускіх і замежных швейных фірм і дызайнераў. Працягне вечар канцэртная праграма «З днём нараджэння, любімы Брэст». Яе спецыяльным госцем будзе гурт «Мая Мішэль». Завершыцца свята маляўнічым салютам.

Яскравым момантам 27 ліпеня стане закрыццё парада аркестраў, якое адбудзецца на плошчы Цырыманіялаў у Брэсцкай крэпасці. У гонар 81-й гадавіны вызвалення горада ад нямецка-фашысцкіх захопнікаў 28 ліпеня ў Брэсце ўскладуць кветкі да помніка на плошчы Свабоды. У гэты дзень у абласным цэнтры намечана яшчэ адно памятнае мерапрыемства — адкрыццё лапідарыя.

Брэст сёлета адзначае 1006-годдзе.

«Магілёўаблаўтатранс», дэпутат Магілёўскага гарсавета па 36-й Перакопскай выбарчай акрузе Таццяна Ішчанка. Мікрараён, які яна апякуе як народная абранніца, моцна пацярпеў ад урагану — усё навокал было завалена дрэвамі. 

Іншаземец спрабаваў вылецець з Мінска ў Турцыю па падробленым пашпарце. Аб гэтым БелТА паведамілі ў Дзяржпагранкамітэце.

«Адчуваю гонар! Гонар за нашу краіну!»

У аўторак, 15 ліпеня, былі прадстаўлены медалі XXV зімовай Алімпіяды 2026 года. якая пройдзе з 6 па 22 лютага ў італьянскіх Мілане і Карціна-д’Ампеца. Медалі былі паказаны падчас мерапрыемства ў Венецыі ўдзельніцай Алімпійскіх гульняў і кіраўніком праграмы паслоў Гульняў-2026 Валянцінай Маркеі. Яны сімвалізуюць італьянскі дызайн і перамогу.

Дырэктар інстытута тэхналогіі металаў Нацыянальнай акадэміі навук Беларусі Анатоль Жыгалаў на прэс-канферэнцыі расказаў, як развіваюцца тэхналогіі ў беларускай металургіі, паведамляе БелТА.

Астрафатаграфія здольная абудзіць у нас адначасова пачуццё ўласнай нікчэмнасці і велічнага захаплення. Мы — толькі малюсенькія насельнікі планеты, ілюзорна малаважныя на фоне мільярдаў галактык. Аднак дзякуючы камеры космас раскрываецца ва ўсёй сваёй грандыёзнасці. Пераможцы конкурсу ZWO Astronomy Photographer of the Year 2025 прадставілі ўнікальныя здымкі Сусвету — ад сонечных выбліскаў і таямнічых туманнасцяў да зіхатлівых палярных ззянняў і Млечнага Шляху, які распасціраецца над далёкімі краявідамі.

Аператыўнікамі УБЭЗ УУС Віцебскай вобласці выяўлены факты атрымання хабару кіраўніком прадпрыемства. Аб гэтым БелТА паведамілі ў МУС.

ВУП Беларусі ў першым паўгоддзі 2025 года вырас на 2,1 працэнта. Аб гэтым паведамілі БелТА ў Белстаце.

Сёння ў Маскве адбыліся перагаворы старшыні Дзяржаўнага ваенна-прамысловага камітэта Рэспублікі Беларусь Дзмітрыя Пантуса і дырэктара Федэральнай службы па тэхнічным і экспартным кантролі Расіі Уладзіміра Селіна. Аб гэтым БелТА паведамілі ў Дзяржкамваенпраме.