Сеткавае выданне zviazda.by

Поўны цыкл вытворчасці, пастаўкі паміж прадпрыемствамі, складаная лагістыка і амаль стапрацэнтнае імпартазамяшчэнне — менавіта так працуюць заводы холдынга «АМКАДОР». Адзін з іх — «Ударнік» — самае што ні на ёсць сэрца кампаніі, адзін з галоўных яго зборачных цэнтраў. Тут збіраюць універсальны пагрузчык W500C, адзначаны ў пачатку года найвышэйшай узнагародай — Дзяржаўным знакам якасці. Чаму прызнанне атрымала гэта мадэль, у чым яе асаблівасці і перавагі, даведаліся карэспандэнты газеты «Звязда».

«БЕЛДЖЫ» ў красавіку прадставіць удасканаленую мадэль аўто, якое атрымала Дзяржаўны знак якасці, — новы аўтамабіль BELGEE X50+. Пра гэта паведаміў сёння журналістам дырэктар СЗАТ «БЕЛДЖЫ» Генадзь Свідзерскі падчас наведвання прадпрыемства Прэм’ер-міністрам Беларусі Аляксандрам Турчыным, паведамляе БелТА.

Дзе нараджаецца шакалад, які адзначаны не толькі любоўю спажыўцоў, але і Дзяржаўным знакам якасці? У святая святых кандытарскай фабрыкі «Камунарка» — яе вытворчых цэхах — пабывалі карэспандэнты «Звязды».

У аўторак Прэзідэнт уручыў сімвалы Дзяржаўнага знака якасці. Гэтай высокай адзнакі прадукцыя шэрагу прадпрыемстваў уганаравана за адпаведнасць такім паказчыкам якасці, як бяспека, экалагічнасць, інавацыйнасць, тэхналагічнасць і эстэтычнасць. Сярод пераможцаў — тавары айчынных брэндаў, якія палюбіліся як беларусам, так і замежным спажыўцам. Размова не толькі пра прадукты харчавання, але і пра айчынныя сельгастэхніку і аўтамабілі, якія шчыруюць на палетках і калясяць па дарогах далёка за межамі нашай краіны.

Сумленная барацьба за знак якасці можа дапамагчы Беларусі замацаваць тэхналагічнае лідарства на рэгіянальным і міжнародным узроўнях. Пра гэта Прэзідэнт Беларусі Аляксандр Лукашэнка заявіў у рамках цырымоніі ўручэння сімвала Дзяржаўнага знака якасці прадстаўнікам прадпрыемстваў, прадукцыя якіх удастоена гэтай высокай ацэнкі па выніках 2025 года, паведаміла БелТА.

Урачыстасць адбылася ў Мінскім міжнародным выставачным цэнтры. Уручэнне сімвалаў Дзяржаўнага знака якасці прадстаўнікам прадпрыемстваў, прадукцыя якіх удастоена такой высокай ацэнкі, — яшчэ адна з традыцый суверэннай Беларусі. Традыцыя маладая (першыя Дзяржаўныя знакі якасці ў нашай краіне былі ўручаны летась), але з каранямі ў савецкае мінулае. Аляксандр Лукашэнка азнаёміўся са стэндамі арганізацый — лаўрэатаў сімвалаў Дзяржаўнага знака якасці за 2025 год. Там жа беларускі лідар і ўручыў высокія ўзнагароды. 

Прэзідэнт Беларусі Аляксандр Лукашэнка ўручыць сімвалы Дзяржаўнага знака якасці прадстаўнікам прадпрыемстваў, прадукцыя якіх удастоена гэтай высокай ацэнкі па выніках 2025 года, паведаміла БелТА.