Сеткавае выданне zviazda.by

БДУ запрашае каля 150 школьнікаў і студэнтаў на форум «Траекторыя стварэння», які пройдзе 17 і 18 лістапада на базе ліцэя імя Ф. Э. Дзяржынскага БДУ. Мерапрыемства заклікана дапамагчы маладым людзям развіць кіраўніцкія, аналітычныя і творчыя навыкі, неабходныя для паспяховай самарэалізацыі.

14 лістапада ў Беларускім дзяржаўным універсітэце адбудзецца цыкл міжнародных навуковых форумаў. У іх возьмуць удзел больш за 280 навукоўцаў з Беларусі і замежжа. Ужо сёння факультэты журналістыкі і філалагічны прымаюць удзельнікаў. Пачне серыю XXVII Міжнародная навукова-практычная канферэнцыя «Журналістыка‑2025: стан, праблемы, перспектывы».

Працягваецца прыём заявак на рэспубліканскі конкурс «Слова мае значэнне», накіраваны на павышэнне культуры мовы сярод моладзі і фарміраванне нецярпімага стаўлення да нецэнзурнай лексікі, пра гэта паведамляе афіцыйны партал Беларускай праваслаўнай царквы.

У гэтым годзе за права на рэалізацыю змагаліся 20 перспектыўных задумак, якія да гэтага прайшлі строгі адбор. Свае інавацыйныя распрацоўкі індустрыяльным партнёрам конкурсу маладыя таленты БДУІР і Мінскага радыётэхнічнага каледжа прадэманстравалі ў 30 кастрычніка ў Нацыянальным дзіцячым тэхнапарку.

Навізна, актуальнасць, практычнасць — менавіта такімі якасцямі, на думку журы, павінны валодаць найлепшыя праекты штогадовага конкурсу навуковых і інавацыйных ідэй сярод навучэнцаў Беларускага дзяржаўнага ўніверсітэта інфарматыкі і радыёэлектронікі. Сёлета за права на рэалізацыю змагалася 20 перспектыўных ідэй. Аб падрабязнасцях некаторых з іх даведалася карэспандэнт «Звязды».

З 15 па 17 лістапада Беларускі дзяржаўны ўніверсітэт прыме чвэрцьфінал чэмпіянату свету па праграмаванні сярод студэнтаў (ICPC). У спаборніцтве возьмуць удзел 56 каманд з 14 беларускіх ВНУ і Балтыйскага федэральнага ўніверсітэта імя Імануіла Канта.

Юрфак БДУ, які сёлета адзначае 100-гадовы юбілей, адыгрывае ключавую ролю ў падрыхтоўцы высокакваліфікаваных спецыялістаў, развіцці айчыннай прававой навукі і станаўленні беларускай школы права. За векавую гісторыю яго выпускнікамі сталі больш за 35 тысяч юрыстаў.

Гэта міжнародная спецыялізаваная выстава была ўпершыню арганізавана ў 1995 годзе і сёння прыцягвае ўвагу вытворцаў абсталявання, тэхналогій і матэрыялаў. Яе экспанаты прадстаўляюць дасягненні паліўна-энергетычнага комплексу розных краін, там прасоўваюцца найлепшыя інавацыйныя распрацоўкі у сферы электраэнергетыкі, газавай галіны, энерга- і рэсурсазберагальных тэхналогій, лічбавага развіцця.

Праз некалькі дзён краіна адзначыць адно з самых важных, значных і ў той жа час душэўных свят — Дзень настаўніка. Настаўнік — гэта не толькі пра веды, якія ён дае нашым дзецям. Гэта пра тое, што ён разам з намі гадуе іх, выхоўвае і робіць усё, каб кожны выпускнік знайшоў сваё месца ў жыцці.

Беларусь з’яўляецца адным з сусветных лідараў па колькасці навучэнцаў на аднаго настаўніка. У нас гэтая лічба складвае 10-11 вучняў на аднаго настаўніка, у той час як у краінах ЕС на педагога прыпадае 25 вучняў, у ЗША — 15.