Сеткавае выданне zviazda.by

На кім ляжыць адказнасць за прыборку тэрыторыі, прылеглай да прыватнага домаўладання, расказалі ў Рэспубліканскім цэнтры гігіены, эпідэміялогіі і грамадскага здароўя.

Не толькі аднаўленне, але і забеспячэнне далейшага ўстойлівага развіцця

Каля 150 бібліятэк прымуць удзел у Рэспубліканскай культурна-асветніцкай акцыі «Бібліяноч-2026» 24 красавіка. Пра гэта расказала намеснік генеральнага дырэктара — дырэктар па ідэалогіі, сацыякультурнай і выдавецкай дзейнасці Нацыянальнай бібліятэкі Беларусі Людміла Высоцкая, перадае БелТА.

«У гэтым годзе акцыя прысвечана некалькім галоўным тэмам. Безумоўна, мы не абыдзем Год беларускай жанчыны, таксама закранём тэмы 40-годдзя аварыі на Чарнобыльскай атамнай электрастанцыі і 65-годдзя першага палёту Гагарына ў космас. У гэтым годзе ў акцыі будуць прымаць удзел 149 бібліятэк з усёй рэспублікі», — адзначыла Людміла Высоцкая. Па яе словах, у Мінску акцыя пройдзе ў 8 бібліятэках, у Мінскай вобласці — у 23 бібліятэках, у Брэсцкай вобласці — у 22, у Віцебскай — 25, у Гомельскай — 23, у Гродзенскай — 19, а ў Магілёўскай вобласці — у 29 бібліятэках. Нацыянальная бібліятэка Беларусі па традыцыі выступіць куратарам акцыі.

«Наша «Бібліяноч-2026» стане асаблівай падзеяй, таму што мы сёлета адзначаем 20-годдзе будынка Нацыянальнай бібліятэкі Беларусі, якая расчыніла дзверы для чытачоў 16 чэрвеня 2006 года. Тэма акцыі «Бібліятэка — гэта прастора сэнсаў», — дадала Людміла Высоцкая.

Яна падкрэсліла, што ў галоўнай бібліятэцы Мінска разгорнуцца дзясяткі тэматычных пляцовак. Стартуе акцыя ў 19.00 з урачыстага тэатралізаванага адкрыцця. Аматараў інтэлектуальных гульняў чакаюць шахматна-шашачныя турніры, майстар-класы па японскіх і кітайскіх шахматах, гульня «Мафія». Для тых, хто шукае новыя веды, пройдуць лекцыі, сустрэчы, выступленні адвакатаў, экспертаў па фэншуй. На літаратурнай кухні пачаткоўцы аўтары даведаюцца, як трапіць у выдавецтва ў гэтым годзе і пра што мараць сучасныя жанчыны. Гасцей таксама чакаюць выставы, друкаваныя майстэрні, выступленні музыкантаў, інтэрактыўная праграма, вечар бардаўскай песні, інавацыйная 3D-фотазона, прэзентацыя настольнай гульні «Беларуская манаполія», інтэрактыў ад БРСМ. 

На пляцоўцы «Жаночая прастора» адбудуцца паказы модных калекцый, майстар-класы і кансультацыі астролагаў, прэзентацыя кнігі тэлевядучай Кацярыны Цішкевіч «50 адценняў голасу» для тых, хто хоча стаць дыктарамі, зразумець, як працуе голас, і навучыцца ім кіраваць.

«Скрыпка, фартэпіяна, вакал, народныя матывы, дыджэй-сэт — музычная праграма „Бібліяночы“ здзівіць нават самых спрактыкаваных меламанаў. У нас будуць вельмі цікавыя бонусныя пляцоўкі. На 23-м паверсе на адкрытай агляднай пляцоўцы пры ўмове добрага надвор’я можна будзе праз тэлескоп паназіраць за зорным небам пад выступленне скрыпачкі», — падсумавала Людміла Высоцкая.

Урач папярэдзіла, што спалучэнне кавы з шакаладам — гэта моцная нагрузка на сардэчна-сасудзістую і нервовую сістэмы

Жыхарка Баранавічаў падманула грамадзян больш чым на 23 тыс. рублёў. Пра гэта БелТА паведамілі ў Генеральнай пракуратуры.

Супрацоўнікі Следчага камітэта высвятляюць абставіны смерці нованароджанага дзіцяці ў Баранавічах. Пра гэта БелТА паведамілі ў Следчым камітэце.

Сюзана Валадзько заваявала золата чэмпіянату Еўропы па цяжкай атлетыцы 2026 года, які праходзіць у грузінскім Батумі, паведамляе БелТА.

На дарогах Віцебскай вобласці за чатыры выхадныя дні спынена больш за 2 тыс. парушэнняў ПДР. Аб гэтым паведамілі БелТА ва УДАІ УУС Віцебскага аблвыканкама.

Да пажылой мінчанкі прыйшла сядзелка, якую знайшлі па аб’яве і, замест аказання дапамогі па хатніх справах, паступова «сабрала» сабе кухню і тэлевізар.