Сеткавае выданне zviazda.by

У Велікодны перыяд тут можна не проста больш даведацца пра традыцыі, але і адчуць атмасферу манастырскага жыцця: наўпрост пажыць у адной з галоўных святынь Беларусі. 

Беспілотныя трактары, механізаваныя фермы, робаты і праграмы, якія адсочваюць стан раслін — на ўсё гэта сёння аграрыі робяць стаўку. Але, як заўважылі ўдзельнікі семінара «АПК будучыні: аграрная навука і кадравы патэнцыял у паскарэнні тэхналагічнага развіцця і лічбавай трансфармацыі», які прайшоў на базе Беларускага дзяржаўнага аграрнага тэхналагічнага ўніверсітэта, за любой тэхналогіяй стаяць людзі. Менавіта яны павінны падстройваць робатаў пад новыя задачы, змены кліматычных умоў, тэхналагічныя рэгламенты.

У рамках Мінскай міжнароднай кніжнай выстаўкі-кірмашу прайшоў сімпозіум «Пісьменнік і час: Агульная гуманітарная прастора СНД як спосаб супрацьстаяння выклікам сучаснасці». Ён сабраў пісьменнікаў і выдаўцоў Беларусі, Расіі, Казахстана, Арменіі, Таджыкістана і іншых краін СНД.

Мінская гарадская жыллёвая гаспадарка праводзіць урокі, падчас якіх можна больш даведацца як пра работу гарадскіх службаў так і пра ўласныя правы і абавязкі. У «Школе ЖКГ» праводзяцца асобныя сустрэчы для дарослых і для школьнікаў. Такія заняткі спрыяюць не толькі пашырэнню ведаў пра камунальную сістэму, але і фарміраванню свядомага выбару, грамадзянскай пазіцыі ў дачыненні да захавання парадку і чысціні ў месцах пражывання. Для жыхароў гэта выдатная магчымасць задаць пытанні, якія іх хвалююць, для супрацоўнікаў камунальнай гаспадаркі — атрымаць зваротную сувязь.

Па падшыўках «Звязды» можна вывучаць гісторыю краіны, а ў нашым новым праекце мы прапануем прасачыць, як мянялася жыццё жанчыны. Якія складанасці яна пераадольвала, чаго дасягала. Якімі былі яе абавязкі, погляды, мары. Як развіваліся сацыяльныя праграмы, накіраваныя на падтрымку жанчыны, сям’і. Мы зможам параўнаць сябе з нашымі папярэдніцамі, а магчыма, і нечаму ў іх павучыцца.