Сеткавае выданне zviazda.by

У Мінску прайшоў маладзёжны велапрабег «Дарогамі памяці ў Цэнтральным». Калона з больш як 300 удзельнікаў праехала ад мемарыяльнага комплексу «Масюкоўшчына» да стэлы «Мінск — горад-герой». Акцыя стала часткай патрыятычнага праекта «Цэнтральны раён памятае» і прымеркавана да Дня Перамогі.

Праект Прэзідэнцкага спартыўнага клуба «Спорт для ўсіх» вядомы ўжо многім. Тысячы беларусаў пад адкрытым небам і ў любое надвор’е займаліся фітнесам, удзельнічалі ў забегах, гулялі ў шахматы. Конкурс-марафон «Спорт і Двор» — новы маштабны праект клуба — таксама абяцае стаць яркай спартыўна-медыйнай падзеяй. Аб мэтах праекта, яго асаблівасцях і аб тым, што чакае ўдзельнікаў расказаў старшыня Прэзідэнцкага спартыўнага клуба Дзмітрый Лукашэнка, паведамляе БелТА.

Старшыня Прэзідыума Нацыянальнай акадэміі навук Беларусі Уладзімір Каранік абмеркаваў з кіраўніком кампаніі Chokhani Pharma Лалітам Чокані перспектыўныя кірункі развіцця двухбаковага супрацоўніцтва ў галіне стварэння новых фармацэўтычных прэпаратаў. Адмысловая ўвага была нададзена патэнцыялу прыцягнення вядучых індыйскіх фармацэўтычных кампаній, такіх як Cipla Limited, TEVA, RAKS, Inventia, кансалідацыі агульных намаганняў і абмену досведам з прадпрыемствам «Акадэмфарм».

У Беларусі ўстаноўлены аб’ём заказу ў 2026 годзе на пастаўку адходаў шкла для дзяржаўных патрэб. Адпаведную пастанову Савета Міністраў падпісаў Прэм’ер-міністр Аляксандр Турчын, паведамляе БелТА.

У мегаполісе Шанхай на ўсходзе Кітая разгарнулася будаўніцтва плывучага даследчага комплексу для глыбакаводных работ, аднаго з найбуйнейшых навукова-даследчых інфраструктурных праектаў Кітая, які здольны падтрымліваць навуковыя даследаванні ў галіне марскога абсталявання, акіянскіх рэсурсаў і марскіх навук, перадае «Сіньхуа».

Урадам урэгуляваны асобныя пытанні, якія ўзнікаюць у практыцы рэгістрацыі і абарачэння лекавых прэпаратаў. Адпаведную пастанову падпісаў Прэм'ер-міністр Аляксандр Турчын, паведамілі ў прэс-службе ўрада.

Памяць пра гераізм пакалення пераможцаў застаецца залогам мірнага, паспяховага і шчаслівага жыцця, адзначыў у каментарыі журналістам старшыня Канстытуцыйнага Суда Сяргей Сівец пасля ўскладання кветак да стэлы «Мінск — горад-герой», перадае БелТА.

Колькі ваенных тэматычных пляцовак запрацуе ў Мінску ў Дзень Перамогі, расказаў начальнік 2-га аддзела ўпраўлення інфармацыі Галоўнага ўпраўлення ідэалагічнай работы Міністэрства абароны Аляксандр Кісель, перадае БелТА.