Сеткавае выданне zviazda.by

Пачалося датэрміновае галасаванне на выбарах Прэзідэнта Рэспублікі Беларусь.Карэспандэнты «Звязды» пабывалі на некалькіх выбарчых участках і высветлілі, наколькі грамадзяне актыўныя ў першы дзень датэрміновага галасавання. Дарэчы, участкі для галасавання адкрыты з 12.00 да 19.00 без перапынку на абед. У асноўны дзень выбараў — 26 студзеня — можна будзе прагаласаваць з 8.00 да 20.00.

Акцыя, якая абышла Беларусь, набірае абароты ў Мінску. Ад дзяцей да прадпрыемстваў — усе ахоплены яе энергіяй. Учора ў Мінскім дзяржаўным палацы дзяцей і моладзі адбылося ўзнагароджанне пераможцаў мінскага этапу адкрытага конкурсу малюнка навучэнцаў пачатковых класаў «Мы разам» і рэспубліканскага конкурсу сачыненняў на тэму «Што такое адзінства». Калектывы «Мінскага метрапалітэна» і «Мінскметрабуда» абмяняліся падарункамі і пагутарылі на агульныя тэмы ў рамках сустрэчы «Адну справу робім!». Мінскі трактарны завод напоўніўся галасамі Ірыны Дарафеевай, гурта «PRавакацыя» і іншых зорак — удзельнікаў праекта «Разам працуем, разам спяваем!». Незабыўныя сустрэчы і падзеі — па самых розных адрасах...

На сустрэчы з журналістамі, якая прысвячалася вынікам 2024 года, намеснік старшыні Брэсцкага аблвыканкама Вадзім КРАЎЧУК падрабязна спыніўся на ініцыятывах, праектах, якія ўдалося рэалізаваць, засяродзіў сваю ўвагу на асобных з іх.

У цэнтральным населеным пункце аднаго з буйных сельсаветаў Гомельскага раёна — аграгарадку Пакалюбічы — мясцовыя жыхары паказалі вялікую актыўнасць удзелу ў першым дні правядзення датэрміновага галасавання па выбарах Прэзідэнта Рэспублікі Беларусь.

У найважнейшай палітычнай кампаніі краіны, якой, безумоўна, з’яўляюцца выбары Прэзідэнта, ролю работы людзей непасрэдна на месцах цяжка пераацаніць. Менавіта ад іх — ад прадстаўнікоў мясцовай улады, ад членаў выбарчых камісій — залежыць, наколькі зручна і бяспечна будзе выбаршчыкам на кожным асобна ўзятым участку, ці ўдасца зрабіць так, каб выбары для людзей сталі святам — як гэта было заўсёды і як патрабуе кіраўнік дзяржавы. Карэспандэнты «Звязды» высветлілі, як рыхтаваліся ўчасткі, як быў арганізаваны электаральны працэс непасрэдна ў рэгіёнах, хто і з якім настроем працуе ў выбарчых камісіях. І нарэшце, чаму так важна прыйсці і прагаласаваць.

За ўрачыстасцю назвы — эпоха беларускага мастацтва. І яе знакавыя і вельмі ўплывовыя асобы — творцы, якія ў апошнія трыццаць гадоў ажыццявілі значныя праекты альбо вылучыліся ўласнымі работамі. Аптымістычная «Восень» героя Беларусі Міхаіла Савіцкага — яна дыхае жыццём! Народны мастак Беларусі Аляксандр Кішчанка, які быў найбольш вядомы сваімі манументальнымі габеленамі, прадстаўлены невялікім жывапісным палатном «Дождж».

Аб гэтым міністр унутраных спраў паведаміў пасля таго, як прыняў удзел у галасаванні па выбарах Прэзідэнта.

Уладзімір Каранік сустрэўся з калектывамі Беларускай АЭС і Ашмянскага мясакамбіната.

У першы дзень датэрміновых выбараў у фае Беларуска-Расійскага ўніверсітэта (БРУ), дзе размясціўся ўчастак для галасавання № 1 Ленінскага раёна Магілёва, ужо з раніцы панавала ўрачыстая атмасфера. У спісах галасуючых на гэтым участку 1668 выбаршчыкаў, 13 з іх зробяць свой выбар упершыню. За 10 хвілін да пачатку галасавання дэманструецца, што празрыстая скрыня для датэрміновага галасавання пустая, і апячатваецца членамі ўчастковай камісіі пад уважлівым позіркам назіральнікаў. У 12.00 першы выбаршчык бярэ бюлетэнь. Ім стала студэнтка першага курса МДУ імя А.Куляшова Дар’я Ніжагародава. Для яе гэта важная падзея адбылася ў жыцці упершыню.

Дэпутаты Еўрапарламента ў рэзалюцыі па Беларусі маюць намер заклікаць краіны Еўрасаюза не прызнаваць вынікі прэзідэнцкіх выбараў у нашай краіне. Пра гэта гаворыцца ў дакуменце, які апублікаваны на сайце Еўрапарламента, паведамляе БелТА.