Сеткавае выданне zviazda.by

Галоўны корпус Нацыянальнага мастацкага музея Беларусі 11 жніўня закрываецца на маштабную рэканструкцыю. У апошні дзень работы корпуса ў залах сабраліся шматлікія наведвальнікі, каб аддаць даніну павагі ключавой скарбніцы нацыянальнага мастацтва і ў апошні раз убачыць экспазіцыю ў яе звыклым выглядзе. Пакуль легендарны будынак, які прымаў знаўцаў прыгожага на працягу амаль 70 гадоў, рыхтуецца да маштабнага абнаўлення, БелТА пагутарылі з першым намеснікам генеральнага дырэктара музея Марыяй Казакевіч, супрацоўнікамі і наведвальнікамі, а таксама даведаліся, дзе размесцяцца экспанаты на час рамонту і як захаваюць унікальны дух музея для абноўленага будынка.

У Мінску сёлета за парты сядуць каля 18 тыс. першакласнікаў. Пра гэта падчас аператыўнай нарады Мінскага гарадскога выканаўчага камітэта расказала старшыня камітэта па адукацыі Мінгарвыканкама Марына Ільіна, перадае БелТА.

8 жніўня ў вёсцы Высокае Бярозаўскага раёна прайшоў экалагічны фестываль «Спораўскія сенакосы». Ужо з самай раніцы сюды пачалі прыязджаць госці з розных куткоў Беларусі. Праграма свята аб’яднала экалагічную тэматыку, традыцыі беларускай вёскі і незвычайныя спартыўныя спаборніцтвы.

Тамара Кудан свой прафесійны шлях пачала ў 1985 годзе: па размеркаванні прыйшла бухгалтарам у адну з гаспадарак Брагіншчыны, якой паспяхова кіруе вось ужо 25 гадоў. Галоўны прынцып нашай гераіні ў рабоце, ды і ў жыцці, — «няма задач, якія нельга было б вырашыць». І вынікі яе шматгадовай працы сапраўды ўражваюць: сельгаспрадпрыемства па выніках работы — адно з лепшых у раёне.

У Мінскай вобласці ліквідуюць наступствы праходжання начнога навальнічнага фронту, перадае БелТА.

Аблвыканкамы і Мінгарвыканкам правядуць 8 жніўня прамыя тэлефонныя лініі, паведамляе БелТА.

Дзякуючы рэспубліканскаму інфармацыйна-асветніцкаму праекту «Пульс краіны: факты, трэнды, сэнсы», які стартаваў гэтым летам, жыхары розных куткоў краіны маюць магчымасць сустрэцца з медыйнымі экспертамі, выслухаць іх меркаванні па актуальных праблемах, задаць пытанні, якія хвалююць.

Сёння, 6 жніўня, Беларуская праваслаўная царква ўшаноўвае памяць cвяціцеля Георгія Каніскага, асветніка, таленавітага прапаведніка, філосафа і дыпламата, адну з ключавых фігур у гісторыі праваслаўя на беларускіх землях XVIII стагоддзя.