Сеткавае выданне zviazda.by

У ходзе рэстаўрацыі іконы «Маці Божая Адзігітрыя Магілёўская» XIX стагоддзя з фондаў Магілёўскага абласнога краязнаўчага музея імя Е. Р. Раманава спецыялісты Нацыянальнага мастацкага музея Рэспублікі Беларусь выявілі наяўнасць больш ранніх, больш глыбокіх жывапісных пластоў. 

Вядучы спецыяліст, выконваючая абавязкі кіраўніка спраў сельсавета Вяззеўскага сельсавета Ірына Вялічка апошнія пяць гадоў шчыльна працуе з праблемнай нерухомасцю па 116-му Указу. Сведчыць, што сёлета ніводнага дома зносіць не прыйшлося. Хтосьці купіў за базавую, а хтосьці нават з аўкцыёну.

На працягу двух дзён у Магілёве і Шклове працавалі ўдзельнікі рэспубліканскага семінара кіраўнікоў музеяў «Эфектыўныя падыходы ў арганізацыі музейнай дзейнасці ва ўстановах адукацыі». Удзел у мерапрыемстве прынялі прадстаўнікі Міністэрства культуры, каардынатары музейнай дзейнасці, кіраўнікі музеяў з усіх рэгіёнаў краіны. Падчас пленарнага пасяджэння разглядаліся асаблівасці музейнай педагогікі, прыводзіліся прыклады станоўчага вопыту музейнай дзейнасці ўстаноў адукацыі. Была магчымасць пазнаёміцца з арганізацыяй музейна-патрыятычнай прасторы ў Магілёўскім абласным кадэцкім вучылішчы імя Героя Савецкага Саюза Яўгена Нікалаенкі, якое наведалі ўдзельнікі. 

Раённы агляд-конкурс афганскай песні і паэзіі «Час выбраў нас» адбудзецца ў Быхаве ў восьмы раз. У ім прымуць удзел навучэнцы школ і ўстаноў дадатковай адукацыі, а таксама прадстаўнікі працоўных калектываў прадпрыемстваў, устаноў і арганізацый горада і раёна. 

Падчас двухдзённай (27-28 лістапада) міжнароднай канферэнцыі «Прадукцыйнасць працы. Рэзервы і метады павышэння эфектыўнасці» будуць разгледжаны шляхі павышэння культуры высокай прадукцыйнасці і эфектыўнасці на прадпрыемствах Магілёўскай вобласці, адбудзецца абмен вопытам, накіраваным на стварэнне беражлівай вытворчасці і выпрацоўку канкрэтных рашэнняў па павышэнні эфектыўнай эканомікі.

Сёлета Асіповіцкі завод транспартнага машынабудавання быў занесены на рэспубліканскую Дошку гонару па выніках работы за мінулы год. Ужо той факт, што прадпрыемства з невялікага райцэнтра на Магілёўшчыне паспяхова канкурыруе з расійскімі і кітайскімі вытворцамі, сведчыць пра многае. Тут робяць тару для чыгуначных саставаў. Здавалася б, што складанага ў вытворчасці цыстэрнаў, у якіх перавозяць нафтапрадукты? Але, трапіўшы непасрэдна на прадпрыемства, зразумелі, што гэта шматступенны працэс, і кантроль за якасцю на ўсіх этапах вытворчасці — важны яго складнік. Яно і нядзіўна, бо тут узнікае і пытанне бяспекі: уявіце, што здарыцца, калі мазут ці бензін з няякасна зробленай цыстэрны грузавога саставу ў вялікай колькасці выльецца побач з населеным пунктам, вадаёмам, сельгасугоддзямі...

Такія арыенціры абазначыў міністр адукацыі Рэспублікі Беларусь Андрэй Іванец падчас знаёмства прафесарска-выкладчыцкага складу МДУ імя А. Куляшова з новым рэктарам установы. На гэту пасаду назначаны былы першы прарэктар Беларуска-Расійскага ўніверсітэта Юрый Машын. 

Дынастыямі ганарацца. Калі яны ёсць на прадпрыемстве, значыць, яно ўстойлівае, надзейнае, стабільна развіваецца. У Асіповіцкім раёне мы сустрэліся з прадстаўнікамі некалькіх дынастый. Што стала матывацыяй для некалькіх пакаленняў трымацца за адно і тое ж месца працы, даведаліся з першых вуснаў.

Старшыня Запольскага сельсавета Святлана Валчкова прызнаецца, што ёй вельмі пашчасціла і з тэрыторыяй, і з людзьмі. Бялыніцкі край багаты на прыгожыя мясціны, а паняцце малая радзіма для асноўнай часткі яе насельніцтва не пусты гук. Актывістаў, якія гатовы паўдзельнічаць і рублём, і працай у добрай справе, тут заўсёды хапала. А сёлетні год наогул стаў стымулам для рэалізацыі шэрагу мясцовых ініцыятыў.