З 22 сакавіка пачынаецца візіт парламенцкай дэлегацыі нашай краіны ў Чэшскую Рэспубліку. Пра гэта карэспандэнту «Звязды» паведамілі ў прэс-службе Палаты прадстаўнікоў.
Дэлегацыю ўзначальвае Віктар Гумінскі, намеснік старшыні Палаты прадстаўнікоў. У склад дэлегацыі таксама ўваходзяць старшыня Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі Андрэй Навумовіч, член Пастаяннай камісіі Савета Рэспублікі па заканадаўстве і дзяржаўным будаўніцтве Ніна Касцян.
Як паведамляе прэс-служба, падчас візіту запланаваны сустрэчы са старшынёй Сената чэшскага парламента Міланам Штэхам, а таксама з намеснікамі старшыні Палаты дэпутатаў, членамі Камітэта па петыцыях, удзельнікамі парламенцкай групы дружбы «Чэхія — Беларусь». «Прапрацоўваюцца сустрэчы з кіраўніцтвам Міністэрства прамысловасці і гандлю Чэшскай Рэспублікі, прадстаўнікамі Міністэрства замежных спраў Чэхіі, а таксама наведванне Усцецкага краю, шэрагу чэшскіх арганізацый і прадпрыемстваў», — інфармуе прэс-служба.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.
