Пакаштаваць дамашняга мёду і атрымаць у падарунак лекавы збор можна будзе каля стэнда Выдавецкага дома «Звязда» падчас выстаўкі «СМІ ў Беларусі — 2016».
На форуме беларускіх СМІ, што пройдзе ў сталічным выставачным цэнтры «БелЭкспа» (пр. Пераможцаў, 14) з 11 па 14 мая, самы «зялёны» часопіс Выдавецкага дома — «Родная прырода» дакажа, што расліны могуць не толькі прыносіць эстэтычную асалоду ад іх сузірання, але і аказваць лекавы эфект на арганізм. Так, 12 мая ў 15.00 з наведвальнікамі стэнда сустрэнецца сталы аўтар часопіса, вядомы фітатэрапеўт, аўтар кнігі «Аптэчка прыроды» Яўген Шмярко.
Падарунак чакае і аматараў мёду. 13 мая з 16.00 да 17.00 пройдзе прэзентацыя часопіснай рубрыкі «Клуб пчаляроў». Тут можна будзе пазнаёміцца з вядомым пчаляром Міхаілам Халадзінскім, пакаштаваць дамашняга мёду, а таксама набыць вырабы з пчалінага воску.
Часопіс «Родная прырода» клапоціцца пра тое, каб наша планета як мага даўжэй заставалася чыстай. Таму супрацоўнікі выдання падрыхтавалі адметны майстар-клас, падчас якога навучаць наведвальнікаў стэнда рабіць экалагічныя ўпрыгожванні для дома з другаснай сыравіны. Майстар-клас адбудзецца 14 мая з 12 да 13 гадзін.
«Родная прырода» запрашае на сустрэчу сваіх старых сяброў і новых чытачоў!
Выдавецкі дом «Звязда» ў межах выставы «СМІ ў Беларусі» падрыхтаваў для сваіх чытачоў яшчэ нямала цікавых сустрэч і мерапрыемстваў. Падрабязнасці пра іх — у бліжэйшых нумарах газеты і на нашым сайце zvyazda.by. Чытайце, выбірайце, што вам даспадобы, — і далучайцеся!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.