Вы тут

Беларусь нарасціла экспарт будматэрыялаў у краіны Еўропы


Пачатак года быў для айчынных заводаў складаным — за першы квартал Беларусь прадала іх на суму, якая складае 99 працэнтаў ад прададзеных за аналагічны перыяд мінулага года. Аднак ужо ў другім квартале прадпрыемствы здолелі павялічыць экспарт прадукцыі ў краіны Еўропы на 70 працэнтаў, таму па выніках першага паўгоддзя краіна рэалізавала будматэрыялаў на суму ў 109 працэнтаў ад аналагічнага леташняга перыяду.


 

«У асноўным, усе нашы еўрапейскія кантракты маюць доўгатэрміновы характар, многія ўключаюць у сябе яшчэ і магчымасць падаўжэння, — паведаміў міністр архітэктуры і будаўніцтва Анатоль Чорны. — Таму, лічу, што ў гэтым кірунку праведзена вялікая праца». Галоўныя будматэрыялы, якія экспартуе Беларусь, — шкло і цэмент. Асноўныя іх пакупнікі — Германія, Нідэрланды, Польшча, Венгрыя. Вялікага прагрэсу дасягнулі ў экспарце ў Калінінградскую вобласць Расіі.

Што датычыцца экспарту паслуг, то па гэтым паказчыку мы пакуль адстаём ад лічбаў мінулага года — усяго 88,6 працэнта ад леташняга аб'ёму. Тым не менш вялікія праекты ў Расіі для беларусаў застаюцца актуальнымі. У верасні распачнецца будаўніцтва новага дома ў Калузе, які стане першым у цэлым «беларускім квартале».

Адказаў Анатоль Чорны і на пытанне аб дэфіцыце цэменту, з якім сутыкнуліся цяпер беларускія будаўнічыя прадпрыемствы. «Магутнасцяў нашых заводаў для забеспячэння ўнутранага рынку хапае, — сказаў ён. — Аднак унутранае спажыванне цэменту ў пачатку года было вельмі нізкім, гэта і падштурхнула нас да пошуку новых рынкаў за мяжой. Павялічылі экспарт з 80 да 180 тысяч тон, удалося скараціць складскія запасы. А пасля гэтага ўзнік ажыятажны попыт з боку нашых прадпрыемстваў. Яны прывыклі атрымліваць тавар імгненна, а плаціць потым. Сумарная запазычанасць айчынных забудоўшчыкаў па цэменце цяпер складае 1 трыльён недэнамінаваных рублёў. Таму нам прышлося патрабаваць ад іх перадаплату. Акрамя таго, мы ўжо не маглі адмовіцца ад паставак нашым замежным партнёрам, бо адразу страцілі б гэтыя рынкі і не змаглі на іх вярнуцца».

Яраслаў ЛЫСКАВЕЦ

lyskavets@zvіazda.by

Загаловак у газеце: Гандлюем шклом і цэментам

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.