Вы тут

Мінчанін пачаў забег да юбілею беларускага кнігадрукавання


Мінчанін Тарас Цялькоўскі вырашыў па-свойму ўшанаваць юбілей Бібліі Францыска Скарыны. Яго мэта — прабегчы 500 кіламетраў. Рабіць гэта ён плануе пяць дзён, штодзень — па 100 кіламетраў. Забег ужо пачаты.


Тарас з 5-гадовым Максімам, які разам з маці праехаў за ім апошнія 10 кіламетраў першага дня.

З аўторка па суботу, кожны дзень, Тарас стартуе зранку ад электроннага табло каля Палаца спорту і бяжыць па веладарожцы ўздоўж Свіслачы. За гэты час ён некалькі разоў мінае раёны Дразды, Чыжоўку і фінішуе зноў ля Палаца спорту. Дарэчы, ахвотныя могуць падтрымаць бегуна на любым участку дыстанцыі — прабегчы ці праехаць на веласіпедзе пэўную колькасць кіламетраў разам з ім — ці проста сустрэць на фінішы або старце.

Тарас займаецца бегам амаль 20 гадоў (цяпер яму 29). Ён быў членам юніёрскай зборнай Беларусі па лёгкай атлетыцы і выступаў на сярэдніх дыстанцыях — 1,5 і 5 км. Цялькоўскі пяць разоў удзельнічаў у паўмарафонах. Дарэчы, на апошнім Мінскім прыйшоў на фініш шостым сярод тых, хто бег «пяцёрку». Максімальная дыстанцыя, якая пакаралася бегуну, — марафон у Пецярбургу (42 км — за 2 гадзіны 37 хвілін). Мае ён і досыць экстрэмальны вопыт скарэння яшчэ большай дыстанцыі. Пару гадоў таму Тарас праехаў на веласіпедзе з аднаго канца Англіі ў іншы. Дыстанцыя склала 600 кіламетраў, і пераадолець яе хлопцу ўдалося за 25 гадзін.

Тарас Цялькоўскі да таго ж з'яўляецца пастарам пратэстанцкай царквы. Ён марыць, каб Біблія зноў стала кнігай нумар адзін для беларусаў, як і ў часы першадрукара. Таму ён і прысвяціў свой забег знакаваму юбілею і выбраў цалкам сімвалічную дыстанцыю — 500 кіламетраў.

— 500 гадоў таму Францыск Скарына надрукаваў першую Біблію на беларускай мове, — адзначае Тарас Цялькоўскі. — Гэта кніга ўдыхнула жыццё ў беларускае грамадства. Праз 500 гадоў яна працягвае мяняць жыцці мільёнаў людзей. Мая мэта — вярнуць Біблію ў рукі беларусаў. Я бягу пяць дзён па 100 кіламетраў, гэта 500 кіламетраў шляху, каб сказаць, што Біблія па-ранейшаму кніга нумар адзін.

Ніна ШЧАРБАЧЭВІЧ

nina@zviazda.by

Загаловак у газеце: 500 кіламетраў бегу за 5 дзён

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.