Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем пра чэмпіянат свету па хакеі, які завяршыўся ў Даніі, фінал Кубка краіны па футболе і іншыя навіны.


1. Хакеісты зборнай Швецыі заваявалі залатыя медалі чэмпіянату свету па хакеі. У фінальным напружаным паядынку яны абыгралі швейцарцаў у серыі булітаў з лікам 3:2.

Зборная Швецыі абараніла тытул чэмпіёна свету, які яна выйграла ў 2017 годзе. Скандынаўская дружына 11-ы раз у сваёй гісторыі стала ўладальніцай залатых узнагарод сусветнага форуму.

Нагадаем, зборная Беларусі на сёлетнім турніры заняла 15-е месца і апусцілася дывізіёнам ніжэй. Ужо ў наступным годзе каманда паспрабуе вярнуцца ў эліту. Прэзідэнт Міжнароднай федэрацыі хакея Рэнэ Фазель упэўнены ў тым, што зборная Беларусі здолее вярнуцца з першага дывізіёна. «Яна абавязкова будзе гуляць на дамашнім чэмпіянаце свету ў 2021 годзе. Па-першае, у мяне няма сумненняў, што беларусы самі змогуць вярнуцца ў эліту. Па-другое, калі раптам гэтага не адбудзецца, камандзе будзе дадзена спецыяльная «грын-карта». Часам вылет з эліты можа нават пайсці на карысць і даць штуршок развіццю хакея ў краіне», — сказаў Фазель.


2. Брэсцкае «Дынама» трэці раз у сваёй гісторыі перамагло ў Кубку Беларусі, перайграўшы барысаўскі БАТЭ з лікам 3:2. Раней яны заваёўвалі ганаровы трафей у 2007 і 2017 гадах. Знакаміты аргенцінскі футбаліст Дыега Марадона ў відэапасланні ў сацсетках павіншаваў футбалістаў брэсцкага «Дынама» з перамогай у турніры. «Віншую маіх хлопцаў з «Дынама-Брэста» з заваяваннем Кубка краіны», — адзначыў ён.

Нагадаем, аргенцінец падпісаў трохгадовы кантракт з футбольным клубам «Дынама-Брэст» і ўступіў на пасаду старшыні праўлення клуба. Дыега Марадона будзе займацца пытаннямі стратэгічнага развіцця каманды, а таксама ўзаемадзейнічаць з усімі яго структурнымі падраздзяленнямі, уключаючы дзіцячую акадэмію. Марадона прыступіць да сваіх паўнамоцтваў пасля заканчэння чэмпіянату свету ў Расіі.


3. Гандбалісткі «БНТУ-БелАЗ» сталі ўладальніцамі Кубка Беларусі, у фінальным матчы мінчанкі абыгралі «Гомель» — 30:27.

Раней «БНТУ-БелАЗ» стаў чэмпіёнам Беларусі, апярэдзіўшы «Гомель», які два апошнія сезоны быў уладальнікам «золата».


4. Баскетбалісткі «Цмокі-Мінск» другі год запар сталі пераможцамі жаночага чэмпіянату Беларусі. У трэцім паядынку фінальнай серыі каманда абыграла саперніц з мінскага «Гарызонта» — 86:62. У двух папярэдніх матчах вырашальнай серыі да трох перамог «Цмокі» таксама былі мацнейшыя — 75:63 і 73:47.


5. Беларускія валейбалісткі з перамогі над Славакіяй (3:2) стартавалі ў розыгрышы Еўралігі. Свой наступны матч дзяўчаты правядуць 23 мая. У Мінску на пляцоўцы «Чыжоўка-Арэны» са Славакіяй, а ў трэцім туры 26 мая прымуць у сябе дома Іспанію. Жаночая нацыянальная каманда раней найбольш высокага выніку ў Еўралізе дамагалася ў 2017 годзе, калі заняла шостае месца.

Мужчынская зборная Беларусі перамагла Албанію з лікам 3:0 у першым туры «сярэбранай» Еўралігі. Наступны матч хлопцы правядуць 23 мая, у Мінску нашы валейбалісты прымуць сапернікаў з Харватыі, а завершаць дамашнюю серыю 26 мая паядынкам з Венгрыяй.


6. Аліна Талай перамагла на міжнародным турніры Great Cіty Games у англійскім Манчэстэры. У забегу на 100 м з бар'ерамі яна паказала вынік 12,74 сек.

Больш высокі вынік з беларускіх бар'ерыстак паказала Эльвіра Герман, якая 13 мая ў французскім Манжэроне прабегла за 12,73 сек., устанавіўшы асабісты рэкорд.

Дар'я ЛАБАЖЭВІЧ

Загаловак у газеце: Фінальная драма ў Капенгагене

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.