Вы тут

Што зменіцца ў Беларусі 1 жніўня


Павялічыцца бюджэт пражытковага мінімуму, следам за ім — памеры некаторых дапамог і пенсій

БПМ на месяц устаноўлены ў памеры Br213,67. У цэнах чэрвеня ён павялічыўся ў параўнанні з памерам у цэнах сакавіка на 3,4%. Павелічэнне БПМ абумоўлена ў першую чаргу ростам цэн на плодаагароднінную прадукцыю ў названы перыяд (117,6%).

У сувязі са змяненнем БПМ павялічацца мінімальныя працоўныя і сацыяльныя пенсіі; надбаўкі, павышэнні да пенсій і даплаты асобам ва ўзросце 75 гадоў і вышэй, якія атрымліваюць пенсіі ў органах па працы, занятасцi i сацыяльнай абароне; дапамогі па догляду інваліда I групы або за асобай, якая дасягнула 80-гадовага ўзросту; дапамогі на дзяцей: пры нараджэнні дзіцяці (першага дзіцяці - 10 БПМ, другога і наступных дзяцей - 14 БПМ); па догляду дзіцяці-інваліда ва ўзросце да 18 гадоў (1 БПМ); на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (0,5 БПМ), на дзяцей старэйшых за 3 гады з асобных катэгорый сем'яў (0,5 БПМ, 0,7 БПМ), на дзяцей ва ўзросце да 18 гадоў, інфіцыраваных вірусам імунадэфіцыту чалавека (0,7 БПМ), і іншыя сацыяльныя выплаты, якія вылічаюцца з памеру БПМ.

Павялічацца дапамогі на дзяцей ва ўзросце да трох гадоў, для вылічэння якіх прымяняецца паказчык сярэднямесячнай заработнай платы за папярэдні квартал. Рост вар'іруецца ад Br17 да Br21,87.


Працоўныя пенсіі вырастуць на 10%

Фота Ганны ЗАНКАВІЧ

Сярэдні памер пенсій у Беларусі са жніўня складзе Br364,2.

Прэзідэнт Беларусі 17 ліпеня падпісаў указ №278 "Аб павышэнні пенсій", які прадугледжвае пераразлік працоўных пенсій у сувязі з ростам сярэдняй заработнай платы работнікаў у рэспубліцы з 1 жніўня 2018 года. — У выніку пераразліку з гэтай даты памеры працоўных пенсій павялічацца па ацэнцы на 10%. Сярэдні памер пенсій складзе Br364,2, сярэдні памер пенсіі па ўзросце - Br374,33",  адзначылі ў Мінпрацы і сацабароны.


Падаражэюць некаторыя віды цыгарэт

Фота Ганны ЗАНКАВІЧ

Падаражанне закране прадукцыі ААТ "Гродзенская тытунёвая фабрыка "Нёман". Так, на 2 капейкі вырастуць цэны на цыгарэты Прэм'ер QS, Minsk city і Minsk capital, Minsk city QS і Minsk capital QS, Matrix Blue, Portal One. На 3 капейкі стануць даражэй NZ BLACK COMPACT, NZ GOLD COMPACT, на 4 - NZ BLACK QS, NZ GOLD QS, Portal Gold і Portal Silver. на 7 капеек падаражэюць некаторыя віды "Фэст". Цана на цыгарэты Rothmans Demi Click Purple будзе ўстаноўленая на ўзроўні Br1,8.

Цыгарэты ТАА "Тытунь-інвест" таксама зменяцца ў цане. Так, на 2 капейкі падаражэюць некаторыя віды цыгарэт "Карона", на 5 капеек - некаторыя віды LD, Monte Carlo, Camel. Цана на цыгарэты Monte Carlo Evo Impulse будзе ўстаноўленая на ўзроўні Br1,95, Sobranie Evolve - Br2,95.


life :) абвясціў пра павышэнне тарыфаў

У сярэднім, кошт вырасце на 6,5%. У некаторыя тарыфы дадаецца безлімітны трафік для Instagram і Twitter.

— Пры гэтым кошт тарыфаў павялічваецца нязначна, напрыклад, абаненцкая плата Shake 1 вырасце на 40 капеек, з 9,50 руб / мес да 9,90 руб / мес, а Shake 2-4 падаражэюць на 1 рубель, — паведамілі ў кампаніі.

У тарыфы Сям'я і Мульцінет да безліміту на месенджары Viber, WhatsApp, BiP дадасца безліміт на яшчэ адзін месенджар —Telegram. Таксама стане больш уключаных хвілін і трафіку на астатнія рэсурсы. Напрыклад, Сям'я 1 будзе змяшчаць 500 хвілін ва ўсе сеткі і 5 ГБ, кошт складзе 17,9 руб / мес

Астатнія змены можна паглядзець тут.


Знізяцца экспартныя пошліны на нафту і нафтапрадукты

Адпаведнае рашэнне змешчана ў пастанове Савета Міністраў нумар 571 ад 28 ліпеня 2018 года, паведамляе сайт урада.

Стаўка экспартнай пошліны на сырую нафту будзе зніжана з $139,1 да $135,4 за 1 т. Пошліна на прамагонны бензін знізіцца з $76,5 да $74,4 за 1 т, на таварныя бензіны - з $41,7 да $40,6 за 1 т.

Пошліна на лёгкія, сярэднія дыстыляты складзе $40,6 за 1 т (была $41,7). Такая ж пошліна ўстаноўлена адносна дызельнага паліва, бензолу, талуолу, ксілолаў, мазуту, змазачных і іншых масел.

Дар'я СПЕВАК

Фота Ганны ЗАНКАВІЧ і з адкрытых крыніц

Выбар рэдакцыі

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.