Вы тут

Чараўніцтва Мядзельшчыны


Праз літаратурна-мастацкую выстаўку, якая экспануецца ў Дзяржаўным музеі гісторыі беларускай літаратуры, гучыць тэма Мядзельшчыны, яе жыццяпіс, пачынаючы з ХVIІ ст. Возера Нарач, горад Мядзел, гарадскі пасёлак Свір, вёскі Засвір, Мікольцы, Пількаўшчына, Альшэва — гісторыя гэтых мясцін звязана з імёнамі слынных паэтаў, пісьменнікаў, фалькларыстаў, асветнікаў: Вінцэнта Дуніна-Марцінкевіча, Казіміра Сваяка, Адама Гурыновіча, Уладзіміра Дубоўкі, Максіма Танка...


Рэчы з фондаў Дзяржаўнага музея гісторыі беларускай літаратуры.

Нездарма мерапрыемства ладзіцца ў межах музейнага праекта «Літаратурныя падарожжы»: мастацкая частка экспазіцыі складаецца з серыі пастэльных замалёвак мастачкі Аксаны Аракчэевай, створаных падчас адмысловых вандровак-пленэраў па «краі пісьменнікаў».

Літаратурна-дакументальную частку экспазіцыі ствараюць матэрыялы з фондаў музея. Адзін з самых унікальных прадметаў, які можна пабачыць на выстаўцы, — драўляны футарал, зроблены Язэпам Драздовічам для рукапісаў (мастак сябраваў з Казімірам Сваяком, наведваўся да яго ў госці, і ў нефармальнай абстаноўцы яны абмяркоўвалі літаратурныя пытанні). Таксама на вітрынах прадстаўлены асабістыя рэчы пісьменнікаў: ручкі, акуляры, дзённікі.

 Ёсць куток на зямлі:

Дзень адзін пражывеш —

Назаўсёды цябе зачаруе...

Паэтычныя радкі Максіма Танка — прызнанне ў любові да роднай Мядзельшчыны — гучаць як пасыл для кожнага беларуса: трэба любіць месца, дзе ты ўпершыню пабачыў блакіт нябёсаў, дзе зрабіў першыя крокі насустрач жыццю.

Выстаўка «“Ёсць куток на зямлі...”: Мядзельшчына ў замалёўках Аксаны Аракчэевай» чакае наведнікаў да канца верасня.

Яна БУДОВІЧ

Фота Эліны Свірыдовіч

Выбар рэдакцыі

Грамадства

Асваенне адчужэння. Што паглядзець падчас экскурсіі ў радыяцыйнай зоне?

Асваенне адчужэння. Што паглядзець падчас экскурсіі ў радыяцыйнай зоне?

Ці небяспечныя такія «вылазкі» і колькі яны каштуюць?

Грамадства

Мітрапаліт Павел: Я ўдзячны, што Гасподзь павёў мяне па гэтым шляху

Мітрапаліт Павел: Я ўдзячны, што Гасподзь павёў мяне па гэтым шляху

Уладыка расказаў, чаму з асцярогай упершыню ехаў у Мінск у якасці мітрапаліта.

Калейдаскоп

Вясёлыя гісторыі чытачоў

Вясёлыя гісторыі чытачоў

Добрая жонка і дома рай, а благая — хоць цягу дай

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.