Вы тут

Кітайскае агенцтва «Сіньхуа» прэзентавала першых віртуальных вядучых навін


Новыя тэхналогіі ўсё больш актыўна ўкараняюцца ў жыццё чалавека. Яшчэ трохі, і многія звыклыя сферы дзейнасці будуць цалкам занятыя прадстаўнікамі штучнага інтэлекту (а ў некаторых абласцях і ўжо!). Цэнтральнае тэлебачанне Кітая паказала кібервядучага, які можа гаварыць, не запінаючыся, працуе колькі заўгодна і не сыходзіць на бальнічны.


Кітайскае агенцтва «Сіньхуа» прэзентавала першых віртуальных вядучых навін. У адрозненне ад людзей, гэтыя лічбавыя копіі могуць працаваць кругласутачна і адразу на некалькіх платформах. Прэзентацыя кібервядучых прайшла на Сусветнай канферэнцыі па кіраванні інтэрнэтам у правінцыі Чжэцзян. За аснову галаграмы быў узяты сапраўдны чалавек, вядомы ў краіне журналіст Цю Хаа. Аднак, як тлумачаць распрацоўшчыкі, прататыпам віртуальнага вядучага можа стаць любы чалавек — дастаткова толькі загрузіць у праграму відэа з яго выявай, і яна ў дакладнасці скапіруе жэсты, міміку і яго знешнасць.

Хоць стваральнікі кібержурналіста запэўніваюць, што з яго дапамогай можна зрабіць значна таннейшай вытворчасць навінавага кантэнту (робата не трэба грыміраваць, ён можа чытаць навіны 24 гадзіны ў суткі, не запатрабуе бальнічных і водпуску), далёка не ўсе тэлевізійныя дзеячы прыйшлі ў захапленне ад навінкі. І справа нават не ў канкурэнцыі, якой, вядома, не пазбегнуць. Многія з тых, хто праслухаў робата, заяўляюць, што даўжэй некалькіх хвілін вытрываць гэта немагчыма. «Ён вельмі плоскі, яго голас аднастайны — без рытму, тэмпу або акцэнту», — расказаў пра свае ўражанні ад прагляду Майкл Вуладрыдж з Оксфардскага ўніверсітэта.

Іван КУПАРВАС

Загаловак у газеце: Без ганарару і водпуску

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.