Вы тут

Як ажыццяўляецца ўзаемадзеянне бізнесу і ўлады ў рэгіёнах?


Рэспубліканскі саюз прамыслоўцаў і прадпрымальнікаў і дыскусійна-аналітычная супольнасць «Ліберальны клуб» прэзентавалі даследаванне «Дыялог бізнесу і дзяржавы ў рэгіёнах: як павысіць эфектыўнасць работы саветаў па развіцці прадпрымальніцтва на лакальным узроўні?».


Летась для стымулявання бізнес-ініцыятывы ў Беларусі былі створаны рэгіянальныя саветы па развіцці прадпрымальніцтва. Як новыя структуры садзейнічаюць дыялогу ўлады і бізнесу на мясцовым узроўні, расказалі прадстаўнікі Ліберальнага клуба.

«У кожнай вобласці намі былі абраны зрэзы з найбольшым і найменшым прадстаўніцтвам бізнесу і прааналізавана праца за год. І для таго каб паглядзець, як функцыянуе дыялог бізнесу і дзяржавы на рэгіянальным узроўні, мы вывучылі ўзаемадзеянне на прыкладзе Віцебскай вобласці. Намі быў апытаны шэраг лакальных бізнесменаў, прадстаўнікоў аблвыканкама/гарвыканкамаў», — расказаў аб сутнасці працы аўтар даследавання Мікіта БЯЛЯЕЎ.

Праект дазволіў вызначыць праблемныя пункты працы рэгіянальных саветаў па развіцці прадпрымальніцтва, якія перашкаджаюць ім стаць дзейснай пляцоўкай для дыялогу. Але ж гэта хаатычны характар працы без бачання канкрэтных задач.

«Мы вывучылі палажэнні многіх саветаў, і сфарміравалася тры мэты, якія існуюць сёння. Першая — дапамога ўсім формам уласнасці. Другая — кансультаванне бізнесу і трэцяя — выпрацоўка прапаноў», — паведаміў Мікіта Бяляеў.

Адна з умоў функцыянавання саветаў — узначальваць іх неабходна прадстаўніку бізнес-супольнасці. Па словах даследчыкаў, гэта ўмова парушаецца ў 41 % выпадкаў.

Няма адзінага падыходу да складу членаў гэтага органа. Дзесьці ёсць саветы з двух чалавек, а ў некаторых раёнах з 27 членаў. Адны з іх складаюцца толькі з прадпрымальнікаў, а ў іншых колькасная перавага ў прадстаўнікоў улады. Адна з праблем і ў тым, што бізнес-саюзы слаба ўключаны ў работу саветаў.

Выпрацаваў Ліберальны клуб і свае прапановы па вырашэнні праблем. Неабходна ўніфікацыя функцыяналу гэтых структур — стандартызацыя мэт, задач і правоў савета, што абгрунтоўвае неабходнасць падрыхтоўкі тыпавога палажэння. Распрацоўка гэтага дакумента дазволіць вызначыць ролю і месца саветаў у сістэме ўзаемадзеяння дзяржавы і бізнесу.

У склад саюзаў сёння ўключаны прыкладна 1700 прадстаўнікоў бізнесу краіны, таму ўсе саветы павінны быць у адзінай сістэме ўзаемадзеяння.

«Склад перш за ўсё павінен быць рэпрэзентатыўны ў адносінах да таго бізнесу, які знаходзіцца на тэрыторыі раёна, дзе функцыянуе савет. Калі на тэрыторыі раёна 90 % прадпрымальнікаў займаюцца гандлем, адпаведна, і ў структуры павінен быць такі ж працэнтны склад прадстаўнікоў са сферы гандлю», — акцэнтаваў увагу суаўтар даследавання Яўген МАРДАСЕВІЧ.

Праблемы, якія не вырашаюцца доўгі час, аўтары праекта прапаноўваюць старшыні раённага Савета агучваць на сумесных пасяджэннях у вобласці. Мясцовыя саветы павінны мець магчымасць непасрэдна размаўляць з прадстаўнікамі ўлады і калегамі з Савета па развіцці прадпрымальніцтва, створанага пры Прэзідэнце.

Марыя ДАДАЛКА

Загаловак у газеце: Для сапраўднага дыялогу

Выбар рэдакцыі

Спорт

Тры медалі ў беларусаў на этапе Кубка свету па скачках на батуце

Тры медалі ў беларусаў на этапе Кубка свету па скачках на батуце

Больш за 150 спарт­сме­наў з 36 кра­ін све­ту — гэта са­мыя моц­ныя ба­ту­тыс­ты су­час­нас­ці. 

Грамадства

Што шукаюць сем'і, якія едуць да айца Валерыяна ў пасёлак Смілавічы?

Што шукаюць сем'і, якія едуць да айца Валерыяна ў пасёлак Смілавічы?

Звязацца з храмам у гонар Георгія Перамаганосца, дзе служыць айцец Валерыян, можна па тэлефоне, які няцяжка знайсці ў інтэрнэце. 

Эканоміка

На «ТІБО-2019» Белпошта паказала новыя тэхнічныя цікавінкі

На «ТІБО-2019» Белпошта паказала новыя тэхнічныя цікавінкі

Якія неўзабаве ўвойдуць у прафесійны побыт.

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!