Вы тут

Навагрудак збірае грошы на помнік Міндоўгу


Кожны беларус мае ўнікальную магчымасць унесці сваю грашовую лепту ў праслаўленне айчыннай гісторыі. Навагрудскі райвыканкам робіць рэальныя крокі на шляху ўстанаўлення ў горадзе помніка Міндоўгу. І толькі нам вырашаць, завісне гэтая справа ў паветры на доўгія гады ці найбліжэйшым часам стане рэальнасцю.


Навагрудак чакае манумент Міндоўга ўжо гадоў 10. Летась правялі мастацка-экспертныя саветы па гэтым пытанні. Скульптар Сяргей Бандарэнка перамог у суперніцтве за стварэнне доўгачаканага манумента.

Цяпер бачныя вынікі першага этапу працы, які каштаваў 10 тысяч рублёў: эскізны праект помніка, пластылінавая 35-сантыметровая мініяцюра, візуалізацыя праекта на мясцовасці, а таксама падрабязны план размяшчэння будучай скульптуры на плошчы.

Помнік вырашана ўстанавіць за пазабюджэтныя грошы. 26 тысяч рублёў — менавіта ў столькі ацанілі манумент Міндоўга. На 4 чэрвеня дабрачынны рахунак папоўніўся 4285 рублямі. Гэта 15 % ад патрэбнай сумы.

А пакуль работа замарожана, бо другі этап патрабуе стварэння рабочай мадэлі помніка. Актыўныя будаўнічыя дзеянні і мантаж манумента пачнуцца пасля склікання наступнага Рэспубліканскага мастацка-экспертнага савета.

Нагадаем, легендарны князь — стваральнік адзінай цэнтралізаванай раннефеадальнай дзяржавы (Літвы Міндоўга), вядомы ваенным талентам і ваяўнічым характарам. Яму ж прыпісваюць і пераадоленне раздробленасці сваёй дзяржавы. І менавіта Міндоўгу Навагрудак удзячны за сваё велічнае мінулае. Горад быў першай сталіцай Вялікага Княства Літоўскага, бачыў дзяржаўныя сеймы, пасяджэнні найвышэйшага суда. У 1253 годзе Міндоўга каранавалі ад імя папы рымскага менавіта ў Навагрудку. Як мяркуецца, тут жа кароль і пахаваны.

На працягу апошніх 30 гадоў старажытны горад праводзіць фестываль сярэднявечнай культуры. І галоўная плошча Навагрудка — ідэальнае месца для манумента першага караля ВКЛ, які меў тут рэзідэнцыю.

Рэквізіты для ахвяраванняў

  • Аддзел культуры Навагрудскага райвыканкама.
  • УНП 500031377 у ЦБП № 416 г. Навагрудак філіял № 413 ААТ «АСБ Беларусбанк», г. Ліда.
  • БІК AKBBBY21413.
  • BY72AKBB36425210006224200000 (з паметкай «На стварэнне помніка Міндоўгу»).

Маргарыта САДОЎСКАЯ

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.