Вы тут

Вызначаны пераможцы рэспубліканскага праекту «Уладар сяла»


Гран-фінал і цырымонія ўзнагароджання лаўрэатаў і ўдзельнікаў сямейнага сельскагаспадарчага праекту адбылася падчас свята «Купалле» форума «Александрыя збірае сяброў». Мерапрыемства, якое традыцыйна праходзіць у аграгарадку Александрыя Шклоўскага раёна Магілёўскай вобласці, стартавала ў суботу днём і працягваецца сёння.


Праект «Уладар сяла» — візітоўка і ідэя Беларускага рэспубліканскага саюза моладзі. З гэтага года яго фінал будзе прымеркаваны да форума ў Александрыі. За званне самай працавітай і таленавітай сям’і спаборнічалі шэсць сем’яў, якія перамаглі ў абласных турах. Усе маюць дзяцей, жывуць і працуюць у сельскай мясцовасці. Таму для многіх такія заданні, як накарміць хатнюю жывёлу ці пакасіць траву, не былі занадта складанымі. А лепш за іншых з заданнем справілася сям’я-пераможца Зубко з Пастаўшчыны. Удзельнікі фіналу атрымалі грашовыя падарункі і сувеніры.

На пляцоўках аграгарадка былі арганізаваны экскурсіі, канцэрты, цыркавое шоў, дзіцячая дыскатэка, паказ мод, дэманстрацыйныя палёты самалётаў і парашутыстаў. Галоўная падзея свята — гала-канцэрт «Мая Александрыя», які наведаў Прэзідэнт Беларусі Аляксандр Лукашэнка, і феерверк.

Сцэнарый гала-канцэрт «Мая Александрыя» ўяўляў сабой гісторыю ў песнях пра чалавека, які сам абраў сваю жыццёвую дарогу, падцвердзіўшы, што чалавек — гаспадар свайго лёсу. З нумарамі выступілі ў праграме ансамбль «Сябры», Мікалай Гнацюк, група «Аўра», Ірына Білык, Дзяніс Майданаў, Стас Міхайлаў і іншыя артысты.

Падзеі мерапрыемства «Александрыя збірае сяброў» працягнуліся і ў нядзелю. Ноччу моладзь на дыскатэцы забаўляла група «Тяни-толкай». Днем на галоўнай канцэртнай пляцоўцы ўзнагародзілі перадавікоў АПК Магілёўшчыны. Падарункам для іх стаў канцэрт ансамбля «Песняры». Для гасцей форума Беларуская чыгунка адкрыла дадатковыя маршруты ў рэгіён, таму дабрацца да месца і вярнуцца назад не складала праблемы. Арганізатары, у сваю чаргу, абяцалі, што кожны ўдзельнік свята пакіне Александрыю толькі са станоўчымі эмоцыямі і пазітывам.

Марыя ДАДАЛКА

Фота Таццяны ТКАЧОВАЙ


Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.