Старшыня Савета Рэспублікі Нацыянальнага сходу Наталля Качанава правяла ў чацвер сустрэчу з кіраўнікамі раённых адміністрацый сталіцы. У час размовы спікер Савета Рэспублікі звярнула ўвагу кіраўнікоў адміністрацый на неабходнасць выконваць прагнозныя паказчыкі, уважліва працаваць са зваротамі грамадзян, не пакідаючы ніводную заяву без разгляду, — гэта індыкатар стаўлення людзей да ўлады.

Адным з вынікаў 2025 года стала стварэнне міжведамаснай сістэмы рэагавання на надзвычайныя сітуацыі для МНС. Дзякуючы ёй у 2025 годзе інфармацыя пра больш як трэць выпадкаў тэмпературных анамалій на нашай тэрыторыі — каля 250 фактаў — паступала менавіта з космасу: «За кошт укаранення сістэмы ранняга выяўлення пажараў мы сёння 24 разы на суткі перадаём у МНС інфармацыю аб тэмпературных анамаліях. Прычым не толькі на нашай тэрыторыі, але і на тэрыторыі суседніх дзяржаў», — адзначыў дырэктар унітарнага прадпрыемства «Геаінфармацыйныя сістэмы» Нацыянальнай акадэміі навук Беларусі Сяргей Залаты.

Напярэдадні адразу дзвюх вялікіх хрысціянскіх свят — Вербнай нядзелі і Вялікадня — Міністэрствам унутраных спраў прыняты комплекс дадатковых мер для падтрымання грамадскай бяспекі і аператыўнай гатоўнасці да любых няштатных сітуацый.

Рашуча і бескампрамісна

Паводле даных, якія прывяла старшы пракурор упраўлення па барацьбе з карупцыяй і арганізаванай злачыннасцю Генеральнай пракуратуры Рэспублікі Беларусь Вольга Бахар, калі ў 2015 годзе фіксавалася каля 1600 карупцыйных злачынстваў, то ў мінулым годзе — усяго 843. У структуры агульнай злачыннасці доля карупцыйных дзеянняў сёння не перавышае 2 %, што сведчыць аб планамернай сістэмнай рабоце праваахоўных органаў, пракуратуры, а таксама іншых структур.