Стакгольм адмовіўся ад правядзення Алімпіяды-2022
Пра гэта заявіла Умераная кааліцыйная партыя, якая займае вядучае становішча ў кіруючай кааліцыі «Альянс за Швецыю». У заяве партыі гаворыцца, што арганізацыя спаборніцтваў запатрабуе вялікіх інвестыцый у будаўніцтва новых спартыўных збудаванняў, якія не спатрэбяцца пасля завяршэння гульняў, паведамляе Reuters. Раней з аналагічнымі заявамі выступілі хрысціянскія дэмакраты, Партыя левых і Ліберальная. У лістападзе 2013 года Міжнародны алімпійскі камітэт абвясціў, што за правядзенне Алімпіяды-2022 будуць змагацца шэсць гарадоў. Пасля самаадводу Стакгольма барацьбу за права арганізаваць спаборніцтвы працягнуць пяць кандыдатаў: Пекін, Осла, Алматы, Львоў і Кракаў. Сталіца Алімпіяды-2022 будзе названа 31 ліпеня 2015 года.
У Кітаі забаранілі павышаць «голых чыноўнікаў»
Кіраўніцтва Камуністычнай партыі Кітая абвясціла пра ўзмацненне кампаніі супраць так званых «голых чыноўнікаў» — патэнцыйна карумпаваных дзяржаўных служачых і партыйных функцыянераў, чые мужы, жонкі або дзеці пражываюць за мяжой, піша The Guardіan.
Новыя дырэктывы КПК забараняюць павышаць у пасадах тых, чые блізкія сваякі жывуць за мяжой, з-за высокай рызыкі злоўжыванняў сярод гэтай катэгорыі чыноўнікаў. Па афіцыйных звестках, да 80 адсоткаў карупцыйных правапарушэнняў здзяйсняецца тымі, у каго дзеці, жонкі ці мужы пражываюць за мяжой. Звычайна членаў сям'і выкарыстоўваюць для вываду за мяжу і легалізацыі сродкаў, незаконна атрыманых у Кітаі. З гэтага часу павышэнне па службе будзе прывілеяй толькі «маральна ўстойлівых» чыноўнікаў і партфункцыянераў, чые сем'і пражываюць разам з імі ў Кітаі. Спыніцца кар'ера і тых дзяржслужачых, хто недастаткова эфектыўна працуе і лабіруе інтарэсы прыватных кампаній за грошы.
Тэрмін «голыя чыноўнікі» прыжыўся ў Кітаі пасля скандалу з адным з дзяржслужачых. Скарыстаўшыся ад'ездам жонкі, ён галышом праводзіў час з маладой жанчынай і ў такім выглядзе трапіў на запіс відэаназірання. Расследаванне паказала, што чыноўнік актыўна браў хабары, за што яго судзілі і адправілі ў турму.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».