Захаваць і прымножыць
Беларусы ўсіх епархій змогуць пакланіцца мошчам святога роўнаапостальнага князя Уладзіміра ў кастрычніку — снежні наступнага года. Пра гэта паведаміў старшыня сінадальнага інфармацыйнага аддзела Беларускай Праваслаўнай Царквы протаіерэй Сергій Лепін.
Пакланенне часцінцы мошчаў — адно з мерапрыемстваў да 1000‑годдзя спачыну святога роўнаапостальнага князя Уладзіміра, хрысціцеля Русі. Кульмінацыяй святкавання гэтай даты стане візіт Патрыярха Маскоўскага і ўсяе Русі Кірыла ў чэрвені 2015‑га.
Жыхароў Беларусі чакаюць тэматычныя выставы, выпуск юбілейных манет, паштовых блокаў, канвертаў і штэмпеляў. А таксама экскурсіі і паломніцкія вандроўкі да беларускіх праваслаўных святынь. На базе Мінскай духоўнай акадэміі пройдзе навуковая канферэнцыя. Акрамя гэтага, адбудуцца дабрачынныя акцыі для дзяцей спецыяльных навучальна-выхаваўчых устаноў, выхавальнікаў дзіцячых дамоў і дамоў сямейнага тыпу. Па ўсёй Беларусі пройдуць шматдзённыя хрэсныя ходы.
— Памяць пра мінулае вызначае будучыню, — адзначыў айцец Сергій Лепін. — І ўспамін пра тое, як хрысцілася Русь, кім і калі, павінны дапамагчы ў нашых разважаннях пра тое, як не страціць веру ў сучасным свеце, як захаваць, прымножыць і перадаць нашчадкам традыцыйныя хрысціянскія каштоўнасці.
Нагадаем, што ў 2013 годзе БПЦ адзначыла 1025‑годдзе хрышчэння Русі. Адзначэнне спачыну святога роўнаапостальнага князя Уладзіміра з'яўляецца лагічным духоўным працягам мінулага юбілею.
Вераніка ПУСТАВІТ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.