Міхаіл Мясніковіч пазітыўна ацэньвае беларуска-германскае двухбаковае супрацоўніцтва. Гэту думку ён выказаў падчас сустрэчы з паслом ФРГ у Беларусі Вольфрамам Маасам.
«Я хачу падзякаваць вам, што як Надзвычайны Пасол вы прыкладаеце шмат намаганняў і энергіі для таго, каб нашы двухбаковыя адносіны насілі трывалы і доўгатэрміновы характар», — звярнуўся да кіраўніка нямецкай дыпмісіі старшыня Савета Рэспублікі Нацыянальнага сходу Беларусі.
У размове з паслом сенатар акцэнтаваў увагу на міжпарламенцкім супрацоўніцтве Беларусі і Германіі. Ён станоўча ацаніў той факт, што «ў Бундэстагу новага склікання створана германа-беларуская парламенцкая група», якую ўзначальвае Олівер Качмарэк.
Акрамя таго, парламентарый дадаў, што «жыццё эканамічнае і палітычнае ў значнай ступені хутка змяняецца і гэта патрабуе пошуку новых рашэнняў як у гандлёва-эканамічнай, так і іншых сферах дзейнасці». Менавіта таму спікер верхняй палаты беларускага парламента выказаў жаданне абмеркаваць з Вольфрамам Маасам пытанні ўзгодненай працы ў міжнародных арганізацыях і актуалізацыі супрацоўніцтва дзвюх краін.
Вераніка ПУСТАВІТ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
