Як толькі ні забаўляюцца знакамітасці, вось і Тэрмінатар вырашыў трохі пахуліганіць. Арнольд Шварцэнегер прыкінуўся васковай фігурай у музеі мадам Цюсо ў Галівудзе, загрыміраваўшыся ў «Тэрмінатара». Калі наведвальнікі падыходзілі да «скульптуры», каб зрабіць фота, ён пачынаў з імі гаварыць.
Адзначаецца, што акцыя стала часткай маркетынгавай кампаніі фільма «Тэрмінатар: Генезіс», які выходзіць у пракат 2 ліпеня, і дабрачыннай праграмы, у рамках якой акцёр збірае грошы на арганізацыю пазашкольных заняткаў для дзяцей. У абмен на ахвяраванні, што можна зрабіць у інтэрнэце, дабрачынцам падораць вопратку з аўтографам былога губернатара Каліфорніі, квіткі на прэм'ерны паказ новага «Тэрмінатара» ці арганізуюць асабістую сустрэчу з акцёрам. У фільме «Тэрмінатар: Генезіс» Арнольд Шварцэнегер, які іграе пастарэлага кібарга-забойцу, сустрэнецца са сваім маладым двайніком, Тэрмінатарам, што толькі прыбыў з будучыні. Апошні быў створаны з дапамогай камп'ютарнай графікі.
Фінскі экскаватаршчык Юха-Пека Перамакі прадэманстраваў філіграннае ўменне кіраваць цяжкай будаўнічай тэхнікай.
У рамках рэкламнай кампаніі аўтазаправачных станцый Перамакі зрабіў хот-дог каўшом экскаватара. З дапамогай захопу Юха-Пека «браў» інгрэдыенты для хот-дога і акуратна начыняў булачку. Праз паўтары хвіліны хот-дог быў гатовы. Аўтары роліка сцвярджаюць, што з 30 дубляў, якія зрабіў фінскі кіроўца, памылку ён дапусціў толькі адзін раз.
Жыхарка брытанскага Дэвона пакусала нямецкую аўчарку, спрабуючы выратаваць свайго ёркшырскага тэр'ера.
Інцыдэнт адбыўся, калі 80-гадовая Джун Хэтан выгульвала свайго гадаванца Мілі. Аўчарка накінулася на тэр'ера і ўчапілася яму ў шыю. Пажылая жанчына не змагла адцягнуць сабаку ад свайго гадаванца і вырашыла ўкусіць аўчарку з надзеяй, што тая адступіць. Выратаваць ёрка жанчыне не ўдалося. Аднак яна распавяла, што пры паўторы інцыдэнту «зрабіла б гэтак жа». Хэтан дадала, што пакусала аўчарку «інстынктыўна». Паводле слоў пенсіянеркі, калі б у яе быў нож, агрэсіўнага сабаку яна ўдарыла б ім. Пасля высветлілася, што аўчарка збегла са свайго дома праз вароты, якія забыліся зачыніць гаспадары. Уладальнікі сабакі папрасілі ў пенсіянеркі прабачэння і паабяцалі надалей выгульваць свайго гадавацца ў намордніку.
Іван Купарвас
hvir@zviazda.by
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.