Вілы


Вілы. Гэтая прылада сялянскай працы ў народнай культуры разам з іншымі вострымі жалезнымі прадметамі (нож, каса, серп і інш.) уваходзіла ў лік надзейных абярэгаў.

* Часам вілы (дакладней — пару) выкарыстоўвалі для «абароны» сваёй сядзібы ад навальніцы, граду, маланкі. Для гэтага іх выносілі на двор і клалі на зямлю перад парогам хаты крыж-накрыж.

* Каб спыніць ураганны вецер, які мог нарабіць шмат шкоды для гаспадаркі: паламаць дрэвы, разбурыць коміны, сарваць стрэхі з хат і інш., выконвалі магічныя дзеянні — у той бок, адкуль чакалі навалу, кідалі вострыя рэчы (нож, сякеру), у тым ліку і вілы.

* У традыцыі ўсходніх славян вядома забарона выкарыстоўваць відэльцы і нажы падчас калядных святочных вечароў, на велікодным тыдні, на працягу года ў памінальныя дні, каб не нарабіць шкоды памерлым продкам, якія нябачна знаходзяцца за святочным сталом. З той жа нагоды ў святочныя дні забаранялася браць у рукі вілы, працаваць з імі, каб на працягу года не было мору сярод жывёлы.

* На Палессі лічылі, што ў каровы не будзе прыплоду, калі даваць ёй сена ці салому віламі, лепш рукамі.

* У народнай медыцыне знахары для лячэння цяжкіх захворванняў выкарыстоўвалі такі спосаб: над галавой хворага (чалавека ці жывёлы) разломлівалі драўляныя двухрогія вілы для сена, сімвалічна аддзяляючы «хворую» частку ад «здаровай», потым гэтыя часткі спальвалі на купальскім вогнішчы, прыгаворваючы, каб «згарэла» і хвароба.

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Грамадства

Рэспубліканскі суботнік прайшоў сёння ў Беларусі

Рэспубліканскі суботнік прайшоў сёння ў Беларусі

Мерапрыемства праводзілася на добраахвотнай аснове.