Вы тут

Указ Прэзідэнта №78 — дакладная праграма дзеянняў для рэгіёнаў


Указ Прэзідэнта №78 «Аб мерах па павышэнні эфектыўнасці сацыяльна-эканамічнага комплексу Рэспублікі Беларусь» можна назваць дакладнай праграмай дзеянняў для рэгіёнаў. Так лічыць старшыня камітэта эканомікі Мінаблвыканкама Павел Юхневіч.


— Галоўная задача для вобласці — не збавіць тэмпы росту, якія былі дасягнуты летась і за пяцігодку ў цэлым. А магчымасці для гэтага ёсць — як у прамысловасці, так і сельскай гаспадарцы, таваразвароце. У першую чаргу за кошт традыцыйных вытворчасцяў, а таксама новых, якія запусцілі летась. У прыватнасці, эфектыўна развіваюцца і павялічваюць аб'ёмы вытворчасці фармацэўтычныя прадпрыемствы, нядрэнныя паказчыкі на пачатку года ў машынабудаўнікоў, вытворцаў транспартных сродкаў. Стабілізавалася сітуацыя на БелАЗе. Акрамя таго, важкую прыбаўку даюць новыя мадэрнізаваныя суб'екты гаспадарання, напрыклад «Велес-Міт», Пухавіцкі завод горнага воску. Ну і, безумоўна, нельга скідваць з рахунку прадпрыемствы дрэваапрацоўкі. Сюды ўкладзены сродкі, якія павінны даваць вынік.

Што тычыцца новых рабочых месцаў, то ў 2015 годзе іх было створана больш як 7,5 тысячы. Сёлета плануецца дадаткова яшчэ 6 900 за кошт адкрыцця новых прадпрыемстваў і пачатку работы тых, што зарэгістраваны летась або 2-3 гады таму, паколькі цыкл арганізацыі вытворчасці дастаткова працяглы. Думаю, па выніках першага квартала з'явіцца не менш як 1,5 тыс. новых рабочых месцаў. А ў цэлым на тэрыторыі Мінскай вобласці рэалізуецца больш як 50 праектаў, дзе прадугледжана іх арганізацыя. Сёлета наша задача — захаваць інвестыцыі на ўзроўні 2015 года, а менавіта больш як 45 трлн рублёў. Вядома, гэта нялёгка. Тым не менш кіраўнік дзяржавы даў дакладны кірунак, дзе гэтыя грошы браць — прыцягваць прамыя замежныя інвестыцыі. Сёлета ў Мінскай вобласці плануецца прыцягнуць прамых замежных інвестыцыі на чыстай аснове не менш, як 180 млн долараў ЗША.

На жаль, ёсць пэўнае зніжэнне паказчыкаў знешнеэканамічнай дзейнасці. Але яны ў многім вызначаліся кан'юнктурай, працэсамі, што адбываюцца ў краінах-партнёрах. Тым не менш у фізічным вымярэнні шэраг прадуктаў, тавараў рэалізавалі з плюсам у параўнанні з 2014 годам. Галоўнае ж, мы захавалі знешнія рынкі, сваю прысутнасць там, і выйшлі на новыя. У гэтым годзе пачаліся пастаўкі ў Саудаўскую Аравію, Чылі, Перу, некаторыя краіны Афрыкі, у прыватнасці Нігерыю. Аб'ёмы іх пакуль не такія вялікія, як хацелася б, але гэта справа часу.

Загаловак у газеце: Не збавіць тэмпы

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.