На плошчы Перамогі адкрылася новая ўстанова сеткі Golden Coffee — кафэ «Бярозка».
У гэтага месца — легендарная гісторыя. Спачатку памяшканне выкарыстоўвалася пад аўтасалон «Перамога». У 1957-м на гэтым месцы з'явілася першая закусачная-аўтамат, а праз дзесяць гадоў — кафэ пад назвай «Бярозка». Гістарычнае мінулае і вызначыла канцэпцыю ўстановы. Лагатып выкананы ў стылі 1960-1970-х і нагадвае пра аўтамабільнае мінулае. Экстэр'ер застаўся фактычна без змен, гісторыка-культурную каштоўнасць было вырашана захаваць. Што да інтэр'ера, то памяшканне цяпер падзелена на тры зоны, кожная з якіх аформлена ў індывідуальным стылі. Першая — светлае кафэ-кандытарская для дзелавых сустрэч і сямейнага адпачынку. Па цэнтры — вінны бар з аб'ёмнай столлю, віннай шафай і барнай стойкай. Трэцяя зона — lounge. Тут мяккія шырокія канапы, вялікія сталы, карціны, расслабляючае святло і музыка — джаз, блюз, дыджэй-сэты. У меню будуць як вядомыя стравы сеткі Golden Coffee, так і аўтарская кухня.
Святлана БАРЫСЕНКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
