Амаль 700 паўторных падземных штуршкоў было зарэгістравана ў апошнія два дні ў цэнтральнай Італіі, дзе 26 кастрычніка адбыліся два землятрусы магнітудай 5,4 і 5,9. Пра гэта паведаміў Нацыянальны інстытут геафізікі і вулканалогіі.
Спецыялісты сцвярджаюць, што магнітуда двух падземных штуршкоў перавысіла 5,0, магнітуда 15-ці склала ад 4,0 да 5,0, магнітуда 250 падземных штуршкоў перавысіла 3,0. З моманту мінулага землятрусу магнітудай 6,0, які адбыўся амаль у тым жа раёне 24 жніўня. Усяго зафіксавана амаль 20 тыс. падземных штуршкоў.
26 кастрычніка два падземныя штуршкі магнітудай 5,4 і 5,9 адбыліся ў раёне паміж правінцыямі Мачарата (вобл. Марке) і Перуджа (вобл. Умбрыя). У асноўным стыхія закранула мястэчкі ў цэнтральнай частцы Апенінскага хрыбта, аднак штуршкі выразна адчулі амаль ва ўсёй Італіі, у тым ліку ў Рыме. Мэры невялікіх гарадоў, якія знаходзяцца паблізу эпіцэнтра стыхіі, паведамілі пра значныя разбурэнні. Інфармацыі аб загінулых няма.
Усе людзі, што засталіся без прытулку, ужо эвакуіраваны і перавезены ў іншыя гарады, пераважна на Адрыятычным узбярэжжы. Паведамлялася, што толькі ў вобласці Марка без прытулку засталіся 4 тыс. чалавек. Значны ўрон нанесены эканоміцы рэгіёну. Закранутыя землятрусам раёны рыхтаваліся да зімовага турыстычнага сезону - зблізку размешчаны гарналыжныя спускі, і турызм складаў аснову эканамічнай дзейнасці многіх з разбураных гарадкоў.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
