У Брэсце камера відэаназірання зафіксавала, як варона кінула з вышыні нейкі прадмет, ён трапіў у лабавое шкло машыны і стаў прычынай трэшчыны. Гаспадыня машыны ранкам убачыла патрушчанае шкло і хацела ўжо звяртацца ў міліцыю, каб шукалі зламысніка. Машына стаяла недалёка ад пад'езда, над якім вісіць камера назірання. Паглядзелі запіс і вачам не паверылі: варона кідае зверху прадмет, ён трапляе на шкло машыны і адлятае на зямлю. Потым птушка спускаецца і забірае здабычу. Можна дапусціць, што гэта была нейкая ежа ў бляшанцы альбо слоічку, знойдзеная на сметніку. Такім чынам варона разбіла тару і павячэрала. А жыхарцы дома па вуліцы Калесніка давядзецца за свой кошт мяняць шкло. Варону ж да адказнасці не прыцягнеш.
...Тыдзень ці два таму на брэсцкіх сайтах паявіліся здымкі, як пугач, што паявіўся ў горадзе, з'еў ката. Усе тады шкадавалі коціка. Не намі сказана, што любоў і голад кіруюць светам. Але голад, відаць, трэба паставіць на першае месца.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
