Каманда нашай краіны вярнулася з 6-й Еўрапейскай матэматычнай алімпіяды для дзяўчат, якая праходзіла ў Цюрыху (Швейцарыя). Удзел у спаборніцтвах узялі сёлета 43 каманды з розных краін свету.
Вынікам выступлення беларускіх дзяўчат сталі чатыры бронзавыя медалі. Іх заваявалі навучэнка X класа Ліцэя БДУ Арына Галубіцкая, вучаніца XI класа гімназіі №1 імя Ф. Скарыны г. Мінска Ганна Белешава, адзінаццацікласніца сярэдняй школы №2 г. Бабруйска Юлія Курыленка і Кацярына Мароз, дзесяцікласніца з гомельскай гімназіі №51. Рыхтаваў каманду настаўнік матэматыкі Ліцэя БДУ Міхаіл Васільевіч Карпук.
Прыемна, што для працы ў складзе журы былі запрошаны сёлета два прадстаўнікі Беларусі, пераможцы і прызёры алімпіяды мінулых гадоў – Ірына Бурак (уладальніца бронзавых медалёў у 2013 і 2014 гадах) і Анастасія Жыркевіч (залаты медаль у 2013 годзе). Сёння яны атрымліваюць вышэйшую адукацыю ў Беларускім дзяржаўным універсітэце.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
