Размова ідзе пра любімую пажылымі мінчанамі пляцоўку ў парку імя Чалюскінцаў. Рамонт пачаўся гэтым летам. У выніку будзе ўсталявана новая агароджа, тэнт (замест аварыйнага навеса), бетонную плітку заменяць на маналітнае цэментна-палімернае пакрыццё. З'явіцца новая каса з памяшканнем для часовага захоўвання асабістых рэчаў наведвальнікаў. Цалкам зменіцца ўнутранае аздабленне будынка танцавальнай пляцоўкі — падлогі, вокны, дзверы, інжынерныя сістэмы.
— Завяршыць работы па рэканструкцыі плануецца да кастрычніка, — паведаміў генеральны дырэктар прадпрыемства «Мінскзелянбуд» Ігар КУШНЯРЭВІЧ.
Пакуль арганізавана альтэрнатыўная пляцоўка для танцаў — на перакрыжаванні Цяністай і Цэнтральнай алей парку, плошчай каля 800 квадратных метраў. Адпачыць там пенсіянеры могуць у суботу і нядзелю з 16 да 19 гадзін.
Наталля ЛУБНЕЎСКАЯ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
