Усходні гараскоп на наступны тыдзень

АВЕН. Неабходна задумацца пра планы на бліжэйшую будучыню, пажадана адкінуць усё неажыццявімае. Вы праявіце небывалую актыўнасць у галіне прафесійнай дзейнасці. Не пакідайце на пасля тое, што можна зрабіць зараз: хвасты, якія заведзены на гэтым тыдні, надоўга застануцца з вамі. Спатрэбіцца разважнасць і стрыманасць: толькі гэтыя якасці змогуць хоць крыху змякчыць вашу імпульсіўнасць. Пятніца можа аказацца самым складаным днём тыдня: вас будуць выпрабоўваць на трываласць.

ЦЯЛЕЦ. Магчыма, што вас чакае значны кар'ерны скачок. Будзьце цвёрдыя ў сваіх рашэннях — не мяняйце іх на хаду, бо нішто так не падрывае аўтарытэт, як няўпэўненасць і мітуслівасць. Пастарайцеся прывесці эмоцыі ў парадак і не кідайцеся ў крайнасці. Варта з асаблівай увагай аднесціся да сяброў, заступнікаў і партнёраў, бо вы ўступаеце ў складаную для адносін фазу. Ваша дапамога можа спатрэбіцца блізкім людзям і сябрам.

БЛІЗНЯТЫ. Неабходны рашучыя дзеянні, а вы ніяк не можаце разабрацца ў сабе? Менш займайцеся руціннай працай і больш увагі ўдзяліце творчасці, бо імправізацыі могуць аказацца значна больш карыснымі, чым дакладны разлік. Тыдзень спрыяльны для творчых планаў і задум: неабходна своечасовая іх рэалізацыя. Варта паклапаціцца пра час на адукацыю. У канцы тыдня будзьце больш асцярожныя, не кідайцеся неабдуманымі фразамі: можаце выпадкова пакрыўдзіць калегу, ператварыўшы яго ў нядобразычліўца.

РАК. Будзеце рвацца да работы, у той час як неабходна злёгку астудзіць гэтае імкненне і рэальна разлічыць сілы. Можаце не сумнявацца ў надзейнасці і шчырасці партнёраў. У пачатку тыдня могуць узнікнуць праблемы, вырашыць якія ўдасца толькі пры дапамозе асабістых сувязяў, а таксама верных сяброў. Для рашучых дзеянняў у дзелавой галіне падыдуць серада і чацвер. У пятніцу вас могуць парадаваць перамены: сітуацыя будзе развівацца вам на карысць. У выхадныя верагодна давядзецца заняцца добраўпарадкаваннем жылля.

ЛЕЎ. Не варта дазваляць супрацоўнікам і начальству сумнявацца ў тым, што ў вас ёсць свая пазіцыя па прынцыповых пытаннях. Калі з чымсьці не згодны — адразу ж скажыце пра гэта. Дзеля дасягнення мэты давядзецца ахвяраваць вольным часам і сваімі планамі. Вас павінна падтрымаць тая акалічнасць, што ўсё, што вы робіце, прынясе карысць. Калі блізкія людзі будуць сварыцца, захоўвайце нейтралітэт — тады мір настане значна хутчэй, чым звычайна.

ДЗЕВА. Пастарайцеся не забывацца на самыя неабходныя справы на рабоце, а іх у вас назапасілася дастаткова. Успомніце пра самаадукацыю. З калегамі праяўляйце дыпламатычнасць і ў той жа час настойлівасць, адстойваючы свой пункт погляду. У аўторак пастарайцеся пазбягаць сустрэч з начальствам, бо ваша нястрыманасць можа прывесці да буйнога скандалу. Калі штосьці не паспееце зрабіць за гэты тыдзень, не засмучайцеся — вашы магчымасці не бязмежныя. Нельга дапускаць эмацыянальных зрываў.

ШАЛІ. Выкарыстоўвайце добразычлівыя адносіны начальства. У сераду магчымы важныя званкі, пастарайцеся іх не прапусціць. Пажадана адмовіцца ад рызыкоўных мерапрыемстваў і авантурных прапаноў. Лепш заняцца асваеннем чаго-небудзь новага — гэта дазволіць пашырыць як кругагляд, так і вашы магчымасці і паўнамоцтвы. Другую палову тыдня пажадана разгрузіць ці прысвяціць адпачынку.

СКАРПІЁН. У аўторак патрэбная інфармацыя, нібы залатая рыбка, сама прыплыве ў рукі. Калі прапусціце — будзе вельмі крыўдна. У сярэдзіне тыдня не звяртайце ўвагі на шэпат за плячамі і зайздросныя ўздыхі: сканцэнтруйцеся — і наперад, проста да мэты. Магчымы пэўныя цяжкасці, перад якімі не варта адступаць. І тады поспех проста непазбежны. Лепш абапірацца на правераныя метады, а нестандартныя падыходы выкарыстоўваць толькі як дадатак.

СТРАЛЕЦ. Горшыя часы засталіся ў мінулым! Вы з радасцю вернецеся да стваральнай працы і паўсядзённых клопатаў. Варта падрыхтавацца да нечаканых сустрэч з даўнімі сябрамі. Пазбягайце ўзаемных крыўдаў і прэтэнзій у зносінах з блізкімі. Цвёрдасць і рашучасць прывядуць да ажыццяўлення планаў. Але разлічваць давядзецца толькі на асабістыя сілы. Пазбягайце ўсяго тайнага і закуліснага, не дазваляйце ўцягваць вас у якія-небудзь інтрыгі. Асабістымі перажываннямі лепш дзяліцца толькі з самымі блізкімі і праверанымі людзьмі.

КАЗЯРОГ. Вы паступова пачынаеце заваёўваць поспех і папулярнасць. Неабходна здзейсніць маленькі подзвіг — разабрацца з усімі руціннымі справамі, якія назапасіліся. У панядзелак магчымы непрадбачаныя абставіны, якія могуць разбурыць усе планы на гэты дзень. А вось аўторак будзе ўдалы практычна ва ўсіх адносінах, асабліва, калі не будзеце рэзка і раптоўна змяняць рашэнні. У сераду не варта правакаваць канфліктныя сітуацыі. У чацвер можаце апынуцца ў няпростай сітуацыі — давядзецца абмінаць падводныя камяні. У выхадныя парадуйце сябе чым-небудзь.

ВАДАЛЕЙ. У пачатку тыдня верагодны цяжкасці ў зносінах з роднымі ці суседзямі. Аўторак — не самы ўдалы час для дэкларацыі новых ідэй на рабоце. Пачуццё няўпэўненасці будзе перашкаджаць засяродзіцца. У сярэдзіне тыдня магчымы прыезд родных, сяброў ці дзелавых партнёраў і клопаты, якія з гэтым звязаны.

РЫБЫ. У панядзелак, аказаўшы паслугу начальству, вы тым самым дапаможаце яму вырашыць складаную сітуацыю, і яно абавязкова аддзячыць вам. Серада нарэшце дазволіць адпачнуць ад праблем на рабоце і дома. Падумайце аб пашырэнні галін прымянення сваіх магчымасцяў, а таксама аб набыцці новых — навучанне новай спецыяльнасці дасць шанц уладкавацца на больш высокааплатную работу. Хатнія праблемы лепш вырашаць адразу, па меры іх з'яўлення, інакш яны будуць цягнуць назад.