На пасяджэнні Прэзідыума Савета Міністраў пад старшынствам прэм'ер-міністра Андрэя Кабякова разгледзелі ход выканання даручэння кіраўніка дзяржавы па развіцці Аршанскага раёна. Паводле інфармацыі прэс-службы Савета Міністраў, падчас мерапрыемства абмеркаваны два блокі сістэмных пытанняў — аграпрамысловы комплекс і машынабудаўнічыя прадпрыемствы, падначаленыя Мінпраму і Дзяржкамваенпраму.
Кіраўнік урада нагадаў, што Прэзідэнт даручыў прыняць сістэмныя меры па ліквідацыі наяўных недахопаў у рабоце па развіцці Аршанскага раёна, а таксама дапрацаваць комплексны план, вызначыўшы эканамічна абгрунтаваныя пункты росту, якія прадугледжвалі б паэтапны выхад Аршаншчыны да 2020 года на ўзровень вышэйшы за сярэднеабласны.
Падводзячы вынікі пасяджэння, Андрэй Кабякоў адзначыў, што ў найбліжэйшы час усім зацікаўленым паступіць на ўзгадненне праект праграмы развіцця Аршанскага раёна да 2020 года і комплекс мер па яе выкананні. Таксама кіраўнік урада звярнуў увагу прысутных, што падчас працы над праграмай у першую чаргу трэба падумаць аб пошуку рэзерваў для росту аб'ёмаў і эфектыўнасці па курыраваных напрамках.
Ілья КРЫЖЭВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
