Вы тут

На «БелАЗе» будуць гандляваць за біткойны?


Пакуль вы марыце пра тое, як правесці вечар пятніцы, і ў думках ужо знаходзіцеся не на працы, на «БелАЗе» спрабуюць прадаць тэхніку за крыптагрошы. Паводле інфармацыі, якую можна знайсці на афіцыйным сайце прадпрыемства, кампанія заўсёды стараецца ісці ў нагу з часам, а таксама рабіць сваю прадукцыю больш даступнай. Холдынг разглядае прапановы аб рэалізацыі прадукцыі за крыптавалюту з 11 па 30 студзеня.


Ну а пакуль «БелАЗ» разглядае магчымасці, адзін з найбуйнейшых сусветных рынкаў крыптавалют — Паўднёвая Карэя, плануе прыняць закон, які забараняе іх абарот на сваіх біржах. Пад раздачу патрапіць у тым ліку і самая дарагая крыпта — біткойн. Улады Паўднёвай Карэі занепакоеныя магчымым ухіленнем ад выплаты падаткаў і развіццём крыптавалютнай гульняманіі. На гэтым тыдні на некалькіх крыптавалютных біржах у Сеуле прайшлі праверкі падчас расследавання магчымага ўхілення ад выплаты падаткаў. Біткойн і іншыя віртуальныя грошы страцілі ў чацвер каля 10 % свайго кошту, прычым біткойн патаннеў да 13 тысяч долараў. Але, як кажуць эксперты, улічваючы нізкі ўзровень гандлю і досыць невялікую колькасць людзей, якія валодаюць віртуальнымі валютамі, рэзкія ваганні каціровак — нармальная справа.

На зніжэнне кошту біткойна, відаць, паўплываюць і планы Кітая аб абмежаванні «здабычы» крыптавалюты (майнінгу). На гэтую краіну сёння прыпадае каля 80 % сусветных магутнасцяў па «вытворчасці» самай дарагой крыптавалюты. Нядаўна міжведамасная група пад кіраўніцтвам Цэнтрабанка краіны выпусціла дырэктыву аб паступовым спыненні працы майнераў. У верасні рашэння Кітая ўжо паўплывалі на курс біткойна, калі выклікалі яго зніжэнне на дзве тысячы долараў.

Ілья КРЫЖЭВІЧ

krуzhеvісh@zvіаzdа.bу

Выбар рэдакцыі

Грамадства

Не параўноўвайце сябе з іншымі. Як таксічныя людзі атручваюць наша жыццё?

Не параўноўвайце сябе з іншымі. Як таксічныя людзі атручваюць наша жыццё?

У нашым акружэнні практычна заўсёды знойдзецца песіміст, нечым пакрыўджаны, запальчывы чалавек, вакол якога заўсёды скандалы і звадкі. 

Грамадства

Па ўсёй краіне наступіў час школьных базараў

Па ўсёй краіне наступіў час школьных базараў

Скідкі, растэрміноўкі і шырокі асартымент

Грамадства

Чаму знікае вада з кранаў

Чаму знікае вада з кранаў

Спёка — час для эканоміі ці паліву агародаў?