Пра гэта паведамілі ў Гомельскім дзяржаўным вытворчым лесагаспадарчым аб’яднанні.
Па дадзеных на раніцу 10 жніўня, лясныя масівы для наведванняў закрыліся ў Кастрычніцкім, Буда-Кашалёўскім, Брагінскім, Кармянскім, Чачэрскім, Калінкавіцкім, Мазырскім, Хойніцкім, Добрушскім, Гомельскім, Ельскім, Лоеўскім і Рэчыцкім раёнах. У лясах уведзены чацвёрты клас пажарнай небяспекі з магчымых пяці.
Дажджоў у некаторых раёнах вобласці не было ўжо больш за два тыдні. У лясах кропкава фіксуюцца узгаранні, якія аператыўна ліквідуюцца. Аднак па прычыне сухога гарачага надвор'я сітуацыя штодня ўскладняецца.
Пра тое, што ў лясах уведзена забарона на наведванне, інфармуюць спецыяльныя аб'явы, таблічкі, паведамленні, у тым ліку і ў СМІ і на сайтах дзяржорганаў. Ўезды ў лясны масіў закрываюцца шлагбаўмам. Для папярэджання лясных пажараў, выяўлення парушэнняў прыродаахоўнага заканадаўства работнікі лясгасаў праводзяць штодзённыя рэйды. Сачыць за становішчам дапамагаюць і фотапасткі. Парушэнне правілаў пажарнай бяспекі можа пагражаць штрафам да 25 базавых велічынь (цяпер 1 БВ складае Br24,5).
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
