16 кастрычніка ў 16.00 у галерэі “Ракурс” Нацыянальнай бібліятэкі Беларусі (пр-т Незалежнасці, 116) адбудзецца прэзентацыя фотаальбома “Бачу Беларусь такой” Уладзіслава Цыдзіка.
Велічная і грандыёзная, старажытная і юная, зялёная і блакітная – такою бачыцца Беларусь нераўнадушнаму фотааматару. Праз спыненыя аб’ектывам фотакамеры імгненні Уладзіслаў Цыдзік імкнецца паказаць непаўторную прыгажосць разнастайных куточкаў нашай краіны. Разам з аўтарам свае шчырыя пачуцці да роднай зямлі выказваюць сучасныя беларускія паэты: іх вершы вы таксама знойдзеце на старонках альбома.
Гэта кніга – своеасаблівы працяг тэмы, якую Уладзіслаў Цыдзік распачаў яшчэ два гады таму. Тады свет пабачыў альбом “Зачараваны Беларуссю”, у якім фотавыявы родных мясцін “падмацаваныя” мастацкім словам паэтаў Міншчыны.
Алена КАРПЕНКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.