Прэзідэнт Кубы Мігель Марыё Дыяс-Канель Бермудэс прыбыў з афіцыйным візітам у Беларусь. Самалёт кубінскага лідара здзейсніў пасадку ў Нацыянальным аэрапорце Мінск, паведамляе БЕЛТА.
Плануецца, што 23 кастрычніка Прэзідэнт Беларусі Аляксандр Лукашэнка правядзе перамовы з высокім госцем. Сустрэча пройдзе ў вузкім і пашыраным складах. Кіраўнікі дзяржаў абмяркуюць актуальныя пытанні двухбаковага і міжнароднага парадку дня, вызначаць перспектыўныя напрамкі для далейшага супрацоўніцтва. Асаблівая ўвага будзе нададзена гандлёва-эканамічнай тэматыцы, у прыватнасці пытаннях рэалізацыі сумесных праектаў у галіне прамысловасці, сельскай гаспадаркі, фармацэўтыкі, інфармацыйных тэхналогій.
Запланавана падпісанне шэрагу міжнародных дакументаў, якія дазваляюць пашырыць узаемадзеянне Беларусі і Кубы ў розных галінах. Чакаецца, што па выніках перамоў Аляксандр Лукашэнка і Мігель Марыё Дыяс-Канель Бермудэс падпішуць сумесную заяву.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?