Нацыянальная каманда Robo4U пад кіраўніцтвам выкладчыка кафедры інфарматыкі і методыкі выкладання інфарматыкі фізіка-матэматычнага факультэта БДПУ Аляксандра Францкевіча заняла першае месца на конкурсе па робататэхніцы і праграмаванні FIRST GlobalChallenge. У складзе каманды выступалі два старшакласнікі і тры студэнты (двое -- з БДУ і адзін - з БДУІР). Спаборніцтвы праходзілі ў Дубаі (Аб'яднаныя Арабскія Эміраты).
У турніры прымалі ўдзел 189 каманд. У гэтым годзе конкурс праходзіў пад назвай OceanOpportunities. Удзельнікам з дапамогай запраграмаваных робатаў неабходна было прывесці вялікія і маленькія шарыкі, якія імітуюць рэчы, што забруджваюць акіян, у зоны апрацоўкі і на перапрацоўчую баржу.
FIRST GlobalChallenge - міжнародны штогадовы робататэхнічных конкурс, які арганізуецца міжнароднай асацыяцыяй InternationalFirstCommitteeAssociation.
Даведка:
У лістападзе 2017 года ў БДПУ быў адкрыты Рэспубліканскі рэсурсны цэнтр адукацыйнай робататэхнікі. Ён быў створаны для падрыхтоўкі сучасных настаўнікаў фізікі, інфарматыкі, матэматыкі і іншых дысцыплін, здольных працаваць з навучэнцамі ва ўмовах высокатэхналагічнага адукацыйнага асяроддзя. Аснашчаны самым сучасным навучальным кампп’ютарным абсталяваннем, адукацыйнымі робатамі, 3D-прынтарам. Тут праводзяцца заняткі для студэнтаў, школьнікаў, а таксама курсы па адукацыйнай робататэхніцы для настаўнікаў.
Надзея НІКАЛАЕВА
Фота прадастаўлена прэс-службай БДПУ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
