Вы тут

Калі я вырасту...


Наш класны кіраўнік Аліна Міхайлаўна прапанавала паразважаць на тэму: «Калі я стану дарослым».


Юра Сямёнаў адразу адказаў:

— Атрымаю правы і набуду машыну.

А Таня Ягорава абвясціла:

— Буду актрысай.

Аліна Міхайлаўна адзначыла, што з адказамі можна не спяшацца, а як мага лепш абдумаць, напісаць і на наступным класным занятку абмеркаваць тэму разам.

— Шкада, — адазваўся Колька. —
А я ўжо збіраўся расказаць, якім вядомым футбалістам стану.

Добра, што мы не абмяркоўвалі гэта адразу! Я, пэўна, не змагла б нічога адказаць. Па дарозе дадому ўзіралася ў выпадковых сустрэчных дарослых і старалася зразумець: ці сталі яны тымі, кім марылі некалі ў дзяцінстве? І пра што яны марылі?

Вядома, не ўсе, хто марыў пакарыць космас, сталі касманаўтамі, не ўсе, хто марыў здымацца ў кіно, сталі актрысамі. Нягледзячы на гэта, усе знайшлі сваё прызначэнне.

Але ж не толькі прафесію мела на ўвазе Аліна Міхайлаўна, калі задала такую тэму. Калі вы не забыліся, я фантазёрка. І якая розніца, кім мару стаць я? Перш за ўсё я застануся Настассяй Весяловай.

Пэўна, Дзіма (ён марыць стаць інжынерам-канструктарам) абавязкова раскажа, што створыць касмічны апарат, на якім кожны ахвотны зможа паляцець на экскурсію на Марс. А яшчэ пра тое, што калі ён стане дарослым, робатаў будзе так шмат, што для іх пабудуюць асобнае жыллё.

Я зайшла ў свой пакой і ўбачыла мяккія цацкі. Калі я вырасту, ці застануцца яны са мной? Ці застанецца ў мяне час, каб гуляць з папугаем?

І мне стала неяк сумна.

Я падумала, што калі стану дарослай, то заўсёды буду памятаць сваё дзяцінства. І вучобу ў школе. І настаўніцу Аліну Міхайлаўну, і аднакласнікаў. І ніколі не забуду, якія гісторыі са мной адбыліся за гэты час.

Бо калі я стану дарослай — гэта ўжо будзе іншая гісторыя. І ў яе будзе свой час.

Андрэй СІДАРЭНКА

Прэв'ю: bash.news

Выбар рэдакцыі

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.

Здароўе

Як працуюць санаторныя школы-інтэрнаты для дзяцей, хворых на скаліёз?

Як працуюць санаторныя школы-інтэрнаты для дзяцей, хворых на скаліёз?

Па статыстыцы на пяць хворых дзяўчынак прыходзіцца толькі адзін хлопчык.

Рэгіёны

У якіх ўмовах працавалі медыкі ў гады вайны?

У якіх ўмовах працавалі медыкі ў гады вайны?

Подзвіг ваенурачоў адлюстроўвае выстава Брэсцкага абласнога краязнаўчага музея.

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі.