Данецкі "Шахцёр" згуляе з "Бенфікай" у 1/16 фіналу футбольнай Лігі Еўропы

Футбалісты данецкага "Шахцёра" сустрэнуцца з лісабонскай "Бенфікай" у 1/16 фіналу Лігі Еўропы. Такі вынік лёсавання, якое адбылося ў штаб-кватэры УЕФА ў швейцарскім Ньёне, паведамляе pressball.by.

Першую сустрэчу "Шахцёр" правядзе 20 лютага 2020 года на сваім полі, матч у адказ - 27 лютага ў сталіцы Партугаліі.

Склады астатніх пар:

"Айнтрахт" (Франкфурт, Германія) - "Зальцбург" (Аўстрыя);
"Алкмаар" (Нідэрланды) - ЛАСК (Лінц, Аўстрыя);
"АПОЭЛ" (Нікасія, Кіпр) - "Базэль" (Швейцарыя);
"Баер" (Леверкузен, Германія) - "Порту" (Партугалія);
"Бруге" (Бельгія) - "Манчэстар Юнайтэд" (Англія);
"Вольфсбург" (Германія) - "Мальме" (Швецыя);
"Вулверхэмптон" (Англія) - "Эспаньол" (Барселона, Іспанія);
"Капенгаген" (Данія) - "Селтык" (Глазга, Шатландыя);
"Лудагорац" (Разград, Балгарыя) - "Інтэр" (Мілан, Італія);
"Алімпіякас" (Пірэй, Грэцыя) - "Арсенал" (Лондан, Англія);
"Глазга Рэйнджэрс" (Шатландыя) - "Брага" (Партугалія);
"Рома" (Італія) - "Гент" (Бельгія);
"Спортынг" (Лісабон, Партугалія) - "Башакшахір" (Стамбул, Турцыя);
"Хетафе" (Іспанія) - "Аякс" (Амстэрдам, Нідэрланды);
"Клуж" (Румынія) - "Севілья" (Іспанія).

Матчы 1/16 фіналу пройдуць 20 і 27 лютага, гульні 1/8 фіналу адбудуцца 12 і 19 сакавіка, чвэрцьфіналы - 9 і 16 красавіка, паўфіналы - 30 красавіка і 7 мая, фінальны паядынак Лігі Еўропы пройдзе 27 мая ў Гданьску.

Крыху раней у штаб-кватэры УЕФА прайшло лёсаванне 1/8 фіналу футбольнай Лігі чэмпіёнаў.

Дзеючы пераможца ЛЧ англійскі "Ліверпуль" у барацьбе за выхад у чвэрцьфінал двойчы сустрэнецца з мадрыдскім "Атлетыка". Першы паядынак адбудзецца ў іспанскай сталіцы.

Склады астатніх пар 1/8 фіналу:

"Барусія" (Дортмунд, Германія) - "Пары Сен-Жэрмен" (Францыя);
"Рэал" (Мадрыд, Іспанія) - "Манчэстар Сіці" (Англія);
"Аталанта" (Бергамо, Італія) - "Валенсія" (Іспанія);
"Чэлсі" (Лондан, Англія) - "Баварыя" (Мюнхен, Германія);
"Ліён" (Францыя) - "Ювентус" (Турын, Італія);
"Тотэнхэм" (Лондан, Англія) - "Лейпцыг" (Германія);
"Напалі" (Італія) - "Барселона" (Іспанія).

Першыя матчы 1/8 фіналу адбудуцца 18-26 лютага, у адказ - 10-18 сакавіка 2020 года. Чвэрцьфіналы пройдуць 7-8 і 14-15 красавіка, паўфінальныя сустрэчы намечаны на 28-29 красавіка і 5-6 мая, вырашальны паядынак за галоўны клубны трафей Старога Свету адбудзецца 30 мая ў Стамбуле.