«Шукальнікі» — цыкл пазнавальна-вандроўных праграм на канале «Культура», прысвечаны знакавым падзеям гісторыі Расіі і замежжа, а таксама прыватным гісторыям вядомых людзей, якія пакінулі нашчадкам шмат таямніц і пытанняў. Адзін з найбліжэйшых выпускаў праекта будзе прысвечаны Радзівілам.
Вакол незлічоных багаццяў князёў Радзівілаў заўсёды існавала шмат чутак. І гэта датычылася не толькі ўнікальнай калекцыі твораў мастацтва. Як сцвярджалі відавочцы, у падвалах палаца ў Нясвіжы знаходзіліся зліткі золата — ад падлогі да столі. Аднак асаблівым гонарам Радзівілаў былі статуі 12 апосталаў, падараваныя на пачатку XVІІ стагоддзя самім Папам Рымскім. Зробленыя са срэбра і пакрытыя пазалотай, упрыгожаныя каштоўнымі камянямі, яны стаялі ў адной з зал палаца, але пасля некалькіх спроб крадзяжу былі перанесены ў склепы замку.
Праграма пад назвай «Скарбы Радзівілаў» выйдзе ў эфір 17 красавіка, і ў ёй разгледзяць розныя версіі наконт таго, дзе могуць захоўвацца багацці беларускіх князёў.
Алена ДРАПКО
Старт сваёй справы — усяго за 37 рублёў.
Мураваных спраў майстар.
Жыллё і здароўе — найбольш хвалюючыя для людзей.
Рыбам давядзецца вырашаць сур’ёзныя сямейныя праблемы.
