Вы тут

Пасольства: Беларусы, якія знаходзяцца ў Расіі, маюць права на бясплатнае лячэнне ад каранавіруса


Грамадзяне Беларусі, якія знаходзяцца ў Расіі, маюць права бясплатна атрымаць медыцынскую дапамогу ў выпадку захворвання на новую каранавірусную інфекцыю. Такое растлумачэнне апублікавана на сайце дыпмісіі, цытуе БЕЛТА.


"Грамадзяне Беларусі, якія пастаянна пражываюць у Расіі (ёсць пасведчанне на права жыхарства ў РФ), маюць роўныя правы з грамадзянамі Расійскай Федэрацыі на атрыманне медыцынскай дапамогі, уключаючы бясплатнае лячэнне ў дзяржаўных і муніцыпальных установах аховы здароўя Расіі па полісе абавязковага медыцынскага страхавання (АМС). Грамадзяне Беларусі, якія часова знаходзяцца і часова пражываюць і не працуюць, маюць права атрымаць бясплатную хуткую медыцынскую дапамогу і медыцынскую дапамогу ў выпадку ўзнікнення ў іх у перыяд знаходжання ў Расіі захворванняў, што ўяўляюць небяспеку для навакольных. Каранавірусная інфекцыя (2019-nCoV) унесена ў гэты пералік у адпаведнасці з пастановай урада РФ ад 31 студзеня 2020 года нумар 66 "Аб унясенні змянення ў пералік захворванняў, што ўяўляюць небяспеку для навакольных", - гаворыцца ў паведамленні пасольства.

Акрамя таго, грамадзяне Беларусі таксама могуць набываць полісы добраахвотнага медыцынскага страхавання і ў адпаведнасці з імі атрымліваць медыцынскую дапамогу.

Пры ўзнікненні праблемных пытанняў, звязаных з аказаннем медыцынскай дапамогі ў Маскве, у дыппрадстаўніцтве параілі звяртацца па тэлефоне гарачай лініі: +7 (495) 870-45-09 (штодзень з 8.00 да 21.00). "Па гэтым тэлефоне прымаюцца заяўкі ў выпадках, калі вам не аказалі медыцынскую дапамогу або неабходна дапамога ў дастаўцы прадуктаў і лякарстваў (для пенсіянераў і гараджан з хранічнымі захворваннямі)", - дадалі ў пасольстве.

Цяпер рашэннем расійскага боку з-за сітуацыі з каранавірусам прыпынены рэгулярныя авіяцыйныя і чыгуначныя зносіны з іншымі краінамі, у тым ліку з Беларуссю.

Прэв'ю: delo.ua

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.