Вы тут

Затрымкi разлiкаў за малако — з-за каранавiруса


На рэдакцыйную гарачую лiнiю звярнуўся наш даўнi чытач, жыхар вёскi Дворышча Расонскага раёна, ён жа кiраўнiк сялянскай фермерскай гаспадаркi «Бялiвец» Iлья Вячаслававiч Голешаў. Яго пытанне датычылася тэрмiнаў разлiкаў за малако, якое ён здае на ААТ «Полацкi малочны камбiнат».


— Зараз у мяне сем кароў. Увогуле здачай малака я займаюся трынаццаць гадоў, з 2007-га. Як яно раней было з разлiкамi? Грошы аддавалi ў сярэднiм праз сем-восем дзён, а часам i яшчэ раней — праз чатыры-пяць. А цяпер, прыкладна з 1 сакавiка, гэты тэрмiн павялiчыўся недзе да 15 дзён, iншымi словамi, ссунуўся на тыдзень. Чаму так? — задаваў пытанне наш заяўнiк.

I сам прапанаваў уласную версiю затрымак разлiкаў за малако. «Кажуць, што грошы найперш пералiчваюць сельскагаспадарчым прадпрыемствам, iм, маўляў, трэба веснавыя палявыя работы праводзiць. Але ж i ў мяне такая ж сiтуацыя, i мне трэба сваю машыну на нешта запраўляць!»

Каб паспрабаваць разабрацца ў сiтуацыi, мы звярнулiся ў ААТ «Полацкi малочны камбiнат». Цi ўсё правiльна выклаў чытач, цi сапраўды затрымкi з разлiкамi за здадзенае малако пачалiся з 1 сакавiка?

— Так, усё правiльна, — адразу пацвердзiла намеснiк дырэктара па эканомiцы прадпрыемства Алена Гаркуша. I працягнула пытаннем на пытанне: — А калi пачаўся каранавiрус?

Па словах Алены Уладзiмiраўны, менавiта ён — асноўная прычына сiтуацыi з затрымкамi па разлiках. «Продажы ўпалi, выручка, адпаведна, таксама. Кiтай адмовiўся браць прадукцыю, Расiя «прыкрылася», цэны таксама крыху знiзiлiся. Проста стала менш грошай на рахунку. Але свае абавязкi мы ўсё роўна iмкнёмся выконваць, хоць i па аб'ектыўных прычынах з большым тэрмiнам па выплатах».

Сяргей РАСОЛЬКА

Прэв'ю: today.ua

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.