На прыватным падворку ў Хойніках знайшлі ртуць

У Хойніках ратавальнікі канфіскавалі ртуць на прыватным падворку, гаворыцца на сайце МНС Беларусі.

Інфармацыя аб знаходцы паступіла ратавальнікам 15 ліпеня ў 11.30. Мужчына расказаў, што ў гаспадарчай пабудове ў двары яго маці знайшоў прыборы з ртуццю, рэчыва разлілося.

Па прыбыцці на месца работнікі МНС выявілі ў драўлянай скрыні для інструментаў два прыборы невядомага прызначэння з ртуццю, якая разлілася.

Ратвальнікі канфіскавалі 5 гр небяспечнага рэчыва для далейшай утылізацыі.

Ніхто не пацярпеў.

Фота: МНС