Вы тут

300 мільёнаў навучэнцаў


Прыступаюць да заняткаў у Кітаі.


Пасля асаблівага эпідэмічнага лета пачатковыя і сярэднія школы, ВНУ, а таксама дзіцячыя сады зноў адкрылі свае дзверы для восеньскага семестра. Амаль 300 мільёнаў навучэнцаў вяртаюцца ў навучальныя ўстановы, перадае «Жэньмінь жыбаа» анлайн».

Паводле інфармацыі Міністэрства адукацыі КНР, 31 адміністрацыйная адзінка Кітая (правінцыі, аўтаномныя раёны і гарады цэнтральнага падпарадкавання) ужо выразна акрэсліла меры адносна пачатку заняткаў у восеньскі навучальны семестр, які будзе праходзіць паэтапна. Будзе ажыццяўляцца раз’яднанне навучэнцаў з розных класаў, падрыхтаваны асаблівы расклад для размежавання патокаў студэнтаў.

Пачатак вучобы ў розных сярэдніх і пачатковых школах, ВНУ і дзіцячых садках прыпадае на перыяд з 15 жніўня па 10 кастрычніка. Ва Ухані ў верасні 2842 сярэднія школы і дзіцячыя садкі прымуць дзяцей на вучобу.

Міністэрства адукацыі, Дзяржаўны камітэт па пытаннях гігіены і аховы здароўя, і іншыя ведамствы краіны загадзя падрыхтаваліся да новага навучальнага года. Раней гэтыя ведамствы выпусцілі тэхнічны праект па прафілактыцы і кантролі эпідэміі новага тыпу каранавіруса ў ВНУ, пачатковых і сярэдніх школах і дзіцячых садках ў асенне-зімовы сезон.
У дакуменце выразна адзначаецца неабходнасць маніторынгу здароўя студэнтаў, выкладчыкаў і работнікаў ВНУ. Варта на працягу 14 дзён пасля пачатку вучобы правяраць тэмпературу, запісваць дадзеныя аб стане здароўя і дэталі перамяшчэнняў. Навучэнцам, выкладчыкам і работнікам навучальных устаноў трэба паведамляць аб любых зменах у стане здароўя. Што тычыцца пачатковых і сярэдніх школ, настаўнікам і работнікам рэкамендуецца прайсці добраахвотнае тэставанне на нуклеінавыя кіслоты да пачатку вучобы.
Адносна кіравання ў ВНУ пасля пачатку семестра, строга патрабуецца вымяраць тэмпературу ў выкладчыкаў, работнікаў і студэнтаў, правяраць іх «коды здароўя», гарантаваць здаровы фізічны стан людзей , якія ўваходзяць у ВНУ. У пачатковых і сярэдніх школах будзе ажыццяўляцца закрытае кіраванне, настаўнікаў і вучняў будуць правяраць пры ўваходзе.

Да пачатку навучальнага семестра Пекінскі цэнтр па кантролі і прафілактыцы захворванняў выпусціў кіраўніцтва па прафілактыцы эпідэміі, у якім прапануюцца інструкцыі па абароне і захаванню асабістай гігіены. У кіраўніцтве таксама адзначаецца, што першым заняткам у першы дзень вучобы павінен быць урок, прысвечаны здароўю.

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.