У законапраекце, які ўносіць змены ў закон «Аб дарожным руху», будуць урэгуляваны прававыя адносіны ў сферы выкарыстання квадрацыклаў, паведаміў sb.by начальнік аддзялення галоўнага ўпраўлення ДАІ МУС Аляксандр Шаўчэнка.
«Мы вырашылі афіцыйна замацаваць у законе магчымасць атрымання вадзіцельскіх пасведчанняў, якія дазваляюць кіраваць такімі транспартнымі сродкамі. Сёння ў заканадаўстве гэтага няма. І незразумела, што гэта і дзе яны павінны ездзіць. Таму і ездзяць усюды, дзе прыйдзецца: па палях, лугах, лясах. Тэарэтычна за руль такога транспартнага сродку можа сесці нават 12-гадовы малы», - адзначыў Шаўчэнка.
Плануецца прыраўнаваць мотаўсюдыходы да катэгорыі трактароў і самаходных машын, распавёў начальнік аддзялення УДАІ МУС. Будуць уведзены новыя катэгорыі пасведчання кіроўцы — «H» і «I». Допуск да права кіравання такімі транспартнымі сродкамі будзе прадастаўляцца з 17 гадоў, з прад’яўленнем меддаведкі.
Прэв’ю: sagamoto.by
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
